Koronavırýsqa qarsy vaksına daıyndaıtyn eń iri zerthana órtendi (vıdeo)

Úndistannyń batysynda ornalasqan álemdegi eń iri vaksına daıyndaıtyn Serým ınstıtýty órtke orandy.

О́rt qurylysy aıaqtalmaǵan ǵımaratta bastalǵan. Kompanııa qyzmetkerleriniń aıtýynsha, órt vaksınaǵa zııan tıgizbedi. О́rttiń shyǵý sebebi áli belgisiz. О́rt saldarynan bes adam qaza tapty.

"Biz qazir ǵana qaıǵyly jańalyqty estidik. Adam shyǵyny bar eken. Qaıtys bolǵan adamdardyń otbasyna qaıǵyryp kóńil aıtamyz", dep jazdy ınstıtýt basshysy Adar Ponaýala (Adar Poonawalla) tvıtter paraqshasynda.

Instıtýt basshysy órt  jergilikti turǵyndarǵa "Kovısheld" ataýymen tanymal  (Covishield) Oksford-Astrazeneka (Oxford-AstraZeneca) vaksına óndirisin toqtata almaıtynyn da atap ótti. Sebebi tótenshe jaǵdaı úshin arnaıy qosymsha ǵımarattar salynǵanyn jetkizdi. Halyqty Oksford-Astrazeneka vaksınasymen vaksınasııalaý ótken aptada bastaldy.

Tamyzdyń basyna deıin 300 mıllıon adamǵa vaksına salý josparlanǵan. Oksford-Astrazeneka vasınasyn basqa elder de Serým ınstıtýtynda jasaıdy.

Úndistan koronavırýs ınfeksııasymen aýyrǵandar men odan qaıtys bolǵan adamdar sany boıynsha AQSh-tan keıin ekinshi oryn alady. Djon Hopkıns ýnıversıtetiniń málimetine sáıkes, Úndistanda pandemııa bastalǵannan beri 10.6 mıllıon adam koronavırýspen aýyrǵan. 153 myń adam koronavırýstan qaıtys boldy.