23 qańtarda Qazaqstanda zeınetaqy jınaǵyn paıdalanýǵa ótinish qabyldaıtyn arnaıy platforma iske qosylady. Bul týraly Otbasy bank saıty habarlady.

Otbasy banki 23 qańtardan bastap biryńǵaı jınaqtaýshy zeınetaqy qorynan tólenetin birjolǵy zeınetaqy tólemderin paıdalanýǵa ótinish tapsyra alatyn arnaıy onlaın platformany iske qosady.

Saıt málimetinshe, eger jınaqtaýshy birjolǵy zeınetaqy tólemderin ózi qoldanýdy josparlamasa, onda óziniń jaqyn týysyna nemese jubaıyna tabystaı alady.

Sondaı-aq ótinish bergenge deıin qoldanystaǵy ESQ (elektrondy sıfrlyq qoltańba) bolýy qajet. Zeınetaqy jınaqtarynyń qoljetimdi kólemin biryńǵaı jınaqtaýshy zeınetaqy qory saıtynan bilýge bolady.

"ESQ nemese basqa elektrondy quraldar arqyly operatordyń ınternet-resýrsynda avtorızasııadan ótý qajet. Jeke kabınet ashyp, arnaıy shotqa ótinish berý kerek.

Arnaıy shot ashqannan keıin arnaıy shottyń nómirin, paıdalaný maqsatyn, qolda bar somany, jeke tabys salyǵyn ustaý jáne aýdarý tásilderin kórsete otyryp, birjolǵy zeınetaqy tólemine elektrondyq ótinish toltyrý qajet" delingen saıt habarlamasynda.

Buǵan deıin, 2 qańtar kúni prezıdent Qasym-Jomart Toqaev azamattarǵa zeınetaqy jınaǵynyń bir bóligin merziminen buryn alýǵa múmkindik beretin zańǵa qol qoıǵan bolatyn.

Zeınetaqy jınaqtarynyń bir bóligin maqsatty qajettilikterge paıdalaný quqyǵyn:

- mindetti zeınetaqy jarnalary (MZJ) jáne mindetti kásiptik zeınetaqy jarnalary (MKZJ) esebinen qalyptastyrylǵan zeınetaqy jınaqtary bar jumys isteıtin azamattar paıdalana alady. Nysanaly paıdalaný quqyǵy belgili bir jetkiliktilik sheginen asatyn jınaqtary bar azamattar úshin kózdeletin bolady. Jetkiliktilik shegi ár jas úshin jeke anyqtalady.

- qalyptasqan zeınetkerler (áleýetti qurylymdar qataryndaǵy zeınetkerlerdi qosa alǵanda) – BJZQ-daǵy zeınetaqy jınaqtarynyń qalǵan somasynyń 50 paıyzynan aspaıtyn shekte qoldana alady. Olardyń zeınetaqysynyń jıyntyq mólsheri (jasy nemese eńbek sińirgen jyldary boıynsha zeınetaqyny, bazalyq zeınetaqyny qosa alǵanda) joǵaltqan tabysyn halyqaralyq standarttarǵa sáıkes keletin deńgeıde (keminde 40%) almastyrýdy qamtamasyz etken jaǵdaıda atalmysh quqyqty paıdalanýǵa bolady.

- ómir boıǵy annýıtettik tólemderdi qamtamasyz etetin saqtandyrý kompanııalarymen zeınetaqy annýıteti sharttaryn jasasqan tulǵalar joǵaryda atalǵan quqyqqa ıe.

Zeınetaqy jınaqtarynyń jetkilikti shegi

"Qamshy" silteıdi
Ilmek sózder: zeınetaqy BJZQ Toqaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir