Nur-Sultan men Almatyda Qytaıda qysym kórip Qazaqstanǵa qonys aýdarýǵa májbúr bolǵan qos birdeı azamatqa shabýyl jasaldy, dep habarlady Adam quqyqtary men zańdylyqty saqtaý jónindegi Qazaqstan halyqaralyq bıýrosy.

Bıýro málimetinshe, 22 qańtarǵa qaraǵan túni Nur-Sultan qalasynda jaqynda ǵana bosqyn mártebesin alǵan Murager Álimulyna shabýyl jasalyp, pyshaqtap ketken. Dál osy ýaqytta Almatyda (bosqyn mártebesin alǵan) Qaısha Aqandy da belgisiz adamdar soqqyǵa jyqqan. Qazir ol Almaty qalalyq aýrýhanasynda. Oǵan AQmZSJQHB zańgeri zańdyq kómek kórsetýde.

Qaıshanyń sózinshe,  oǵan jáne Qytaıdaǵy anasy men baýyryna buǵan deıin birneshe márte qoqan-loqy jasalǵan. Qytaıdaǵy adam quqyǵynyń taptalýy jóninde aıtýdy toqtatýyn talap etken.

Murager Álimuly 2019 jyly taǵy bir etnıkalyq qazaq Qaster Musahanulymen birge Qazaqstan shekarasyn zańsyz kesip ótken. Olar Qytaıda qysym kórgenderin, shekarany zańsyz kesip ótýge májbúr bolǵandaryn aıtqan. Keıinnen ShQO Zaısan aýdandyq soty Musahanuly men Álimulyn "memlekettik shekarany qasaqana zańsyz kesip ótti" degen aıyppen kináli dep tanyp, bas bostandyqtarynan aıyrǵan. 2020 jyldyń 22 maýsymynda ekeýi de bostandyqqa shyǵyp, bosqyn mártebesin alǵan.

Qaısha Aqan 2018 jyly Qytaıdyń Shyńjań aımaǵyndaǵy keden beketi arqyly Qazaqstan shekarasyn zańsyz kesip ótken. 2019 jyly Almaty oblysy Panfılov aýdandyq soty Aqandy "shekara buzǵany" úshin shartty túrde jarty jylǵa bas bostandyǵynan aıyrǵan. Sotta Qaısha Aqan Qytaıda ózine lagerge qamalý qaýipi tóngen soń Qazaqstanǵa zańsyz, qashyp ótýden basqa amaly bolmaǵanyn aıtqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir