Petropavlda anasy 3 jasar qyzyn sabaǵan. Qyz bala aýrýhanada jatyr

Petropavl qalasynda 22 jastaǵy jas ana 3 jasar qyzyn esinen tanǵansha soqqan. Búldirshindi dereý oblystyq aýrýhanaǵa jetkizdi. Bul týraly "Habar 24" arnasy habarlady. 

Dárigerler onyń aýyr dene jaraqattaryn alǵanyn aıtady. Qazir osy iske qatysty tergeý amaldary bastaldy. Polısııa oqıǵanyń jaı-japsaryn anyqtap jatyr.

– Kúdikti ýaqytsha ızolıatorǵa qamaldy. Oǵan qatysty qylmystyq is qozǵaldy. Qazir sotqa deıingi tergeý amaldary júrip jatyr. Onyń bul qadamǵa ne úshin barǵanyn anyqtap jatyrmyz. Osyǵan deıin 22 jastaǵy kelinshek quzyrly oryndardyń kúdigine ilikpegen, – dedi oblystyq polısııa departamenti tergeý basqarmasy bastyǵynyń orynbasary Azat Qusaıynov.