21 Qańtar, 2021 Barlyq aımaqtar

Baıbek: Qazaq tilinde oqytatyn mektepter men balabaqshalardyń sanyn kóbeıtemiz

Elordada «Nur Otan» partııasynyń qoldaýymen Disney/Pixar stýdııasynyń «Jan» anımasııalyq fılminiń aldyn ala kórsetilimi ótti. Bul - «Bolashaq» qory men «Meloman» kompanııasynyń bastamasymen «О́zińnen basta» jobasy aıasynda memlekettik tilde dýblıajdalǵan 36-shy kınokartına.

foto: "Nur Otan" partııasynyń baspasóz qyzmeti

Bıyl Qazaqstan Táýelsizdiginiń 30 jyldyǵy men Elbasynyń tikeleı qoldaýymen qolǵa alynǵan «О́zińnen basta» áleýmettik jobasynyń 10 jyldyǵy tuspa-tus kelip otyr. Osy jyldar ishinde jobaǵa demeýshiler men mesenattar jalpy alǵanda 1,4 mlrd.teńgege jýyq qarajat bólip, sonyń arqasynda biz álemdik 36 kórkem jáne anımasııalyq fılmderdi aǵylshyn tilinen tikeleı qazaq tiline dýblıajdadyq. Osy oraıda aıta keterligi, munyń barlyǵy Mádenıet mınıstrliginiń eshqandaı qoldaýynsyz júzege asty. Balalar úshin memlekettik tilde sapaly ári básekege qabiletti kontent jasaýǵa jaýapty ýákiletti organ bolashaqtyqtardyń qoǵamdyq bastamasyn odan ári jalǵastyrady dep oılaımyn», - dedi «Nur Otan» partııasy Tóraǵasynyń birinshi orynbasary jáne «Bolashaq» qory qamqorshylyq keńesiniń qurmetti múshesi Baýyrjan Baıbek. qamshy.kz

Partııa baspasóz qyzmetiniń habarlaýynsha, «Nur Otan» Mádenıet mınıstrliginen osy baǵytta tıisti jumysty talap etetin bolady.

Jalpy, óziniń saılaýaldy ýádelerin iske asyrý aıasynda bıleýshi partııa memlekettik tildiń barlyq salada keńinen qoldanylýyna, qazaq tilinde oqytatyn mektepter men balabaqshalardyń kóbeıýine yqpal etýdi, sondaı-aq, dástúrli mádenıet pen ulttyq sport túrlerin qoldaýdy odan ári jalǵastyrady. qamshy.kz

«Bolashaq» qamqorshylyq keńesiniń tóraıymy Dınara Shaıjúnisova atap ótkendeı, qor burynǵysynsha kınokartınalardy memlekettik tilde teń usyný máselesimen belsendi aınalysady.

«Ýaqyt óte kele «Jan» sheteldik kınonyń qazaq tilindegi klassıkasyna aınalady dep oılaımyn. Sonymen qatar, qazaqstandyqtar úshin qazaq tilindegi kınoǵa teń qoljetimdiliktiń ózektiligi saqtalýda. Ýákiletti organdar tıisti sharalar qabyldaýy úshin biz bul máseleni barlyq alańdarda odan ári kótere beremiz», - dep atap ótti ol. qamshy.kz

Aıta keteıik, «О́zińnen basta» jobasyn júzege asyrý barysynda «Muzdy ólke-2», «Kek alýshylar: Altron dəýiri», «Batyl júrek», «Koko qupııasy», «Moana», «Malefısenta», «Aladdın» sııaqty jáne t.b. kartınalar qazaq tiline dýblıajdaldy.

Jobanyń arqasynda 100-den astam otandyq akter «Walt Disney Pictures»-niń daýystyq bazasyna endi. Qazaq tili túrik tilinen keıingi dýblıajdaǵy ekinshi túrki tili jáne «Walt Disney» kompanııasynyń tarıhyndaǵy 39-shy til boldy. qamshy.kz

Joba tarıhynda alǵash ret «Jan» fılmine dýblıaj jasaýǵa kastıngke tek bir ǵana Nur-sultan qalasynyń ózinen 20 akter qatysty. Degenmen, kásibı akterlik quram irikteldi. Mysaly, basty keıipker Djo Gardnerdi jobaǵa kópten beri qatysyp júrgen talantty akter Dáýren Serǵazın dybystady. Buǵan deıin onyń daýysymen «Alladın» fılmindegi Jyn, «Arystan patsha» fılmindegi sýrıkat Tımon jáne Dısneı stýdııasynyń basqa da tanymal keıipkerleri sóılegen edi. Sonymen qatar, dýblıajǵa Danııar Svanqulov, Merýert Ermekbaeva, teatr jáne kıno ártisi Maıra Omar qatysty.

Tıtrdegi «О́mir ǵajap» ánin Mona Songz degen atpen tanymal qazaqstandyq oryndaýshy Manarbek Jumataı oryndady.

Baspasóz qyzmetiniń habarlaýynsha, atalǵan anımasııalyq fılmdi jaqyn arada Internet jelisinde kórýge bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir