• USD 424.85

  • EUR 504.21

  • RUB 5.84

  • CNY 65.86

24 Qazan, 17:36:44
Almaty
+10°

Neırohırýrg dáriger Myńjylqy Berdiqojaev azamattar koronavırýs vaksınasyn saldyrtqan kúnniń ózinde qaýipti indetti juqtyryp alý qaýpi bar degen pikirde. Bul rette maska kııý, jeke bastyń gıgenasy, áleýmettik araqashyqtyqty saqtaý áli de qajetti sharalar ekenin eskertti.

– Densaýlyq saqtaý mınıstrligi 1 aqpannan bastap vaksınasııanyń grafıgin anyqtap, belgilegen bolatyn. Bul vaksınasııa úrdisi qalaı júretinin ýaqyt kórsetedi. Qazaqstannyń densaýlyq saqtaý júıesi birneshe kompanııalarmen vaksına jóninde kelisimshartqa otyrǵan. Solardyń qataryndaǵy reseılik "Spýtnık V" vaksınasyn Qaraǵandy qalasynda shyǵarýdy bastap ketti. Sonymen qatar ózimizdiń QazCovid-in vaksınasy ázirleý de jasalyp jatyr. Biraq qazirgi ýaqytta úshinshi tekseris satysynan ótken vaksınalardyń qataryna bul vaksına jatpaıdy. Úshinshi satyny bitirmeı vaksınany qoldanysqa engizdi. Qazir Reseıdiń "Spýtnık V" vaksınasyn shet memleketter de qoldanyp jatyr. Ázirge vaksına ektirgen adam indetpen aýyrsa qanshalyqty jeńil ótetini, ınfeksııany juqtyrý qaýpi joıylatyny nemese ınfeksııa juqtyrǵan kezde aýrý kerisinshe órship ketedi me muny aıtý qıyndaý. Ol úshin shamamen jarty jyldan 1 jylǵa deıin ýaqyt kerek, – deıdi dáriger.

Neırohırýrg memleket vaksınany óz tarapynan qoldanysqa jaraıdy dep eseptese, onda olar ózine bar jaýapkershilikti alyp otyrǵananyn atap ótti.

– Vaksınany qazaqstandyqtarǵa ekkennen, jappaı aýrý taralsa, onda densaýlyq saqtaý mınıstri Soı jáne onyń janyndaǵy kisiler sottalady. Sondyqtan olar ózderine úlken jaýapkershilikti alyp otyr. Árıne, azamattardyń densaýlyǵyna qaýip tónýi múmkin. Biraq ár vaksınanyń belgili bir mólsherde keri áseri bolady. Norvegııada "Pfizer" vaksınasyn engizgennen keıin 1 apta ishinde 23 adamnyń qaıtys bolǵanyn estip jatyrmyz. Biraq 23 adamnyń ishinde jasy úlken kisiler bolsa, onda ólim vaksınadan boldy ma nemese adamnyń dámtuzy ózi sol ýaqytta taýsyldy ma ony aıtý qıyndaý. Úshinshi satydan ótpegen vaksınany qoldansa, quzyrly organdar jaýapqa tartylady. Vaksına salǵan kúnniń ózinde de maska kııý, jeke bastyń gıgenasy, áleýmettik araqashyqtyqty saqtaý áli de asa mańyzdy, – dedi ol.

Dáriger elde koronavırýsqa qarsy jetkilikti mólsherde dári-dármekter alynyp qoıǵanyn jáne adamdardyń ómirin saqtap qalýǵa kóp múmkinshilikter baryn aıtty.

– Koronavırýsqa qarsy ımmýnıtet shamamen 4 aıdyń ishinde álsireıdi dep aıtyp jatyr. Kóktemde kúnine 3 myń nemese 10 myń adam vırýs shuqtyra ma, ony aıtý qıyndaý. Ne bolsa da aldaǵy ýaqytta kóppen birge kóremiz. Endi jazdaǵy jiberilgen qatelikter qaıtalanbaıdy dep oılaımyn. Jetkilikti mólsherde dári-dármekter alynyp qoıǵan jáne qazirgi emdeý hattamasy ıdealdy bolmasa da adamdardyń ómirin saqtap qalýǵa kóp múmkinshilikter bar. Sondyqtan kóp adam aýyrsa da em durys júrse, adam shyǵyny az bolýy kerek. Buryn 85 paıyz adamdar aýyrǵan kezde jeńil túrde ótkizetin bolsa, qazirgi tańda 90 paıyzdan astam adam aýrýdy jeńil ótkizip, emdeý durys bolady. Aýyr túrinde aýyratyn naýqastar 5 paıyzdan aspaıdy dep oılaımyn. Eger myń adam aýyratyn bolsa 5 paıyz ol shamamen 50 adam. Ol 50 adamdy emdep shyǵýǵa bizdiń densaýlyq saqtaý júıesiniń qaýqary jetýi kerek, – deıdi ol.

Ol elde koronavırýs qatty órship, adam shyǵyny kóbeıetin bolsa, qaıtadan karantın sharalary engizilýi múmkin ekenin jetkizdi.

– Basqa memleketterdiń tájirıbesin qaraıtyn bolsaq, indet órshigende karantın sharalaryn qatań qylyp, lokdaýn jasap, úıinen shyǵarmaı qoıǵan. Biraq dúnıejúzilik densaýlyq saqtaý uıymy qatań karantındi engizbeı, sheshim qabyldaǵandary durys. Degenmen Fransııa, Shyǵys Eýropa memleketteriniń kóbisi qatań karantın sharalaryn engizdi. Eger de elde vırýs qatty órship, adam shyǵyny kóbeıetin bolsa, qaıtadan karantın sharalaryn engizýi múmkin, – dep sózin túıindedi Myńjylqy Berdiqojaev.

 

Nursulý Temirhanqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir