Búgin «Qazaq radıolary» JShS bas dırektory Ernur Býrahan «Astana» radıosy ujymy aldynda jańa dırektor Mádı Manatbekti tanystyrdy. Bul týraly qazradio.fm saıty habarlady.

Mádı Manatbek – tanymal jýrnalıst, medıamenedjer jáne respýblıkalyq BAQ-ta jetekshilik qyzmetter atqarǵan.

1978 jyly 25 mamyrda dúnıege kelgen. 2006 jyly Kókshetaý ýnıversıtetinde zańger mamandyǵyn meńgergen.

Eńbek jolyn 1998 jyly respýblıkalyq «Nartáýekel» gazetinde tilshilik qyzmetten bastaǵan. 1999 jyly Shymkent qalalyq «Shymkent kelbeti» gazetinde jalǵasty. 2000 jyldan bastap «Otyrar» telearnasynda jańalyqtar júrgizýshisi, tańǵy «Nurly araı», sporttyq «Topjarǵan», qylmystyq «Ekstrennyı vyzov» baǵdarlamalarynyń avtory ári júrgizýshisi boldy.

2001-2006 jyldary «Astana» telearnasynda jańalyqtar júrgizýshisi, aptalyq aqparattyq-saraptamalyq «Úsh shırek», «Ashyq áńgime», sporttyq «Topjarǵan», qylmystyq «Oqıǵa izimen» baǵdarlamalarynyń avtory ári júrgizýshisi jáne baǵdarlamalar óndirisi qyzmetiniń jetekshisi boldy.

2006 jyly «31 arna» Astana qosynynyń tilshisi, 2007 jyly «MARMILAT» jarnama agenttiginiń dırektory, 2008 jyly «Habar» Agenttigi» AQ jańalyqtar qyzmetiniń júrgizýshisi, 2010-2013 jyl aralyǵynda «Qazaqstan» RTRK» AQ aptalyq aqparattyq-saraptamalyq «Apta.kz» baǵdarlamasynyń júrgizýshisi, qoǵamdyq-saıası baǵdarlamalar bóliminiń jetekshisi, «Qazaqstan» RTRK» AQ Basqarma tóraǵasynyń orynbasary qyzmetterin atqardy.

2013-2017 jyldary «BAQORDA media group» JShS Bas dırektory, 2017 jyldyń aqpanynan 2018 jyldyń qazan aıyna deıin «Qazaq radıolary» JShS bas dırektory boldy.

"Qamshy" silteıdi
Ilmek sózder: Mádı Manatbek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir