Djo Baıden ant qabyldap, AQSh  prezıdenti qyzmetine kiristi, dep habarlady RIA Novostı saıty.

"Men, Djo Baıden, Amerıka Qurama Shtattary prezıdentiniń mindetterin adal oryndaımyn dep saltanatty túrde ant etemin jáne Amerıka Qurama Shtattarynyń Konstıtýsııasyn qoldaımyn jáne qorǵaımyn" dep Djo Baıden saltanatty túrde ant qabyldady. 

AQSh-tyń jańa prezıdenti "shyn júrekten" birlikke umtylatynyn jáne barlyq amerıkandyqtardy osyǵan shaqyratynyn málimdedi.

– Amerıkanyń bolashaǵyn qamtamasyz etý úshin, barlyq qıyndyqtardy jeńý úshin sózderden góri kóp nárse qajet... - birlik... Búgin, qańtardyń osy kúni, meniń oıym - Amerıkany biriktirý, halqymyzdy biriktirý, ultymyzdy biriktirý. Men ár amerıkandyqtan osy maqsatta maǵan qosylýyn suraımyn,– dedi ol ulyqtaý rásiminde.

Baıdenniń aıtýynsha, onyń saılanýymen demokratııa jeńdi. Ol AQSh odaqtardy qalpyna keltirip, álemmen qaıta baılanys ornatatynyn aıtty. Onyń aıtýynsha, Amerıka beıbitshilik pen qaýipsizdik isinde myqty jáne senimdi seriktes bolady

– Bul - Amerıka kúni, demokratııa kúni.  Búgin biz úmitkerdiń jeńisin emes, maqsattaryn atap ótemiz. Biz demokratııanyń qymbat, názik ekenin taǵy da túsindik. Osy saǵatta, demokratııa jeńiske jetti. Biz odaqtarymyzdy qalpyna keltiremiz jáne taǵy da álemmen baılanys ornatamyz.  – dedi Baıden.

Baıden pandemııa qurbandaryn eske alý úshin bir mınýttyq únsizdik úshin ınaýgýrasııa kezinde sóıleýdi toqtatty.

78 jastaǵy demokrat Djo Baıden AQSh-tyń 46-shy prezıdenti boldy. Ol qarasha aıynda ótken saılaýda respýblıkashyl Donald Trampty jeńdi. Tramp Baıdenniń ınaýgýrasııasyna qatysýdan bas tartty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir