Tótenshe jaǵdaıdan zardap shekken aýyl sharýashylyq taýar óndirýshileri jeńildetilgen nesıe alý arqyly memlekettik qoldaý sharalaryn paıdalana alady. Shaǵyn jáne orta bıznesti nesıeleý baǵdarlamasy operatorlarynyń biri – Agrarlyq nesıe korporasııasy (ANK) «KazAgro» UBH enshiles kásiporny.

Aınalym qarajatyn tolyqtyrýǵa qol jetimdi qarjylandyrýdy aımaqtyq fılıalda nemese ANK-nyń ortalyq keńsesinde alýǵa bolady. Ol úshin ótinishti toltyryp, qajetti qujattar paketin jınap, kepilmen qamtamasyz etý qajet.

Nesıe somasy shekteýli. Jeke kásipkerler, sharýa qojalyqtary úshin 50 mıllıon teńgeden aspaıdy. Shaǵyn jáne orta kásipkerliktiń zańdy tulǵalary úshin 3 mıllıard teńgege deıin. Qaryz alýshy tótenshe jaǵdaıdyń engizilýine baılanysty qarjylyq jaǵdaıdyń nasharlaýyn kórsetetin arnaıy krıterıılerdiń kem degende bireýine sáıkes kelýi kerek.

ShOB sýbektisiniń qarjylyq jaǵdaıynyń nasharlaǵanyn rastaıtyn qujattar retinde tómendegideı bir nemese birneshe qujatty usynýǵa bolady:

- satý jazbalaryn qosa alǵanda, esep berý.

- debıtorlyq bereshek týraly esep.

- qyzmetkerlerge aqysyz demalys alýǵa ótinishter.

- tótenshe jaǵdaıdyń engizilýine baılanysty qaryz alýshynyń qyzmetin toqtata turý týraly resmı rastaý nemese basqa qujattar.

Agrarlyq nesıe korporasııasy osy baǵdarlama boıynsha agroónerkásiptik keshende óndiris pen qaıta óńdeýdi qarjylandyrady.  

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir