Kópten kórinbeı ketken Djek Ma halyq aldyna shyqty

Alıbaba kompanııasynyń negizin qalaýshy Djek Ma uzaq ýaqyt úzilisten keıin qaıta halyq aldyna shyqty.

Onyń kásibi baqylaýǵa alynǵannan keıin kásipkerdiń qaıda júrgeni týraly túrli qaýeset taraǵan.

Mıllıarder Qytaıdyń 100 aýyl muǵalimimen vıdeo arqyly sóılesken. Cheıjang óńiriniń basshylarymen qarjylandyrylatyn Tianmu News-tiń habarlaýynsha, Ma myrza qaıyrymdylyq shara uıymdastyrý úshin aýyl muǵalimderimen sóılesken. Qaıyrymdylyq sharasy jylda kýrorttyq qala Sanııada uıymdastyrylatyn, alaıda bıyl pandemııaǵa baılanysty onlaın ótti. Muǵalimdermen sóılesý barysynda Djek Ma pandemııa aıaqtalǵanda Sanııada qaıta kezdesý qajettigin aıtty.

Vıdeoda ol kók jeıde kıgen. Djek Ma kameraǵa tik qarap sóıledi. Bólme sur mármarmen qaptalǵan, jolaq kilem tóselgen. Vıdeo qaıda túsirilgenin dóp basyp aıtý qıyn.

Osydan keıin Alıbaba aksııasy Gonkongtyń qor bırjasynda birden 5%-ǵa ósken.

О́tken aıda Qytaıdyń ortalyq banki Ant Group kompanııa basshylaryna tekseris jumystaryn júrgizdi. Ma myrza Ant Group kompanııasynyń basty aksıoneri.