Biryńǵaı jınaqtaýshy zeınetaqy qory qazaqstandyqtar 2020 jyly qansha aqsha jınaǵanyn jarııalady.

Qor baspasóz qyzmetiniń aqparatynsha, 2021 jylǵy 1 qańtarda Biryńǵaı jınaqtaýshy zeınetaqy qory salymshylarynyń shotynda 12,9 trıllıon teńge jınalǵan. Bir jylda 2,1 trln teńgege (20%) kóbeıdi.

"Zeınetaqy jınaqtarynyń negizgi somasy mindetti zeınetaqy jarnalary esebinen jınaqtalyp, onyń mólsheri 12,6 trln teńge boldy. Mindetti kásiptik zeınetaqy jarnasy boıynsha zeınetaqy jınaqtarynyń somasy 315,3 mlrd teńgege, al erikti zeınetaqy jarnasy boıynsha zeınetaqy jınaqtarynyń somasy 2,2 mlrd teńgege jetti" delingen resmı saıt taratqan habarlamada.

2020 jyldyń basynan beri salymshylardyń shotyna jalpy kólemi 1,1 trln teńge zeınetaqy jarnalary aýdaryldy, ol 2019 jylǵy kórsetkishten 94,8 mlrd teńgege nemese 10% asyp tústi. Jarnalardyń jalpy kóleminiń 95,6 paıyzyn BJZQ-ǵa MZJ boıynsha aýdarylǵan 1,04 trln teńge mólsherindegi túsim (ósim 10%) bar. 46,9 mlrd teńgeniń aýdarymy MKZJ boıynsha (ósim 8%) jasalsa, 539 mıllıon teńge EZJ boıynsha (ósim 51%) aýdarylǵan.

BJZQ-daǵy jeke zeınetaqy shottarynyń sany 2021 jyldyń 1 qańtarynda 11,6 mıllıonǵa jetti. Shottardyń basym bóligi mindetti zeınetaqy jarnasy boıynsha ashylǵan, olardyń sany – 10 981 218 (ósim – 11%). Odan keıin mindetti kásiptik zeınetaqy jarnasy esebinen qalyptastyrylǵan shottar – 528 283 (ósim – 4%). BJZQ-daǵy erikti zeınetaqy jarnalary boıynsha ashylǵan shottardyń sany qazir 57 645 birlik (ósim – 6%).

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir