Mamın Soltústik Qazaqstan oblysyna ne úshin barǵany belgili boldy

Premer-mınıstr Asqar Mamın jumys saparymen Soltústik Qazaqstan oblysyna bardy, dep habarlady primeminister.kz saıty.

Saıt málimetinshe, premer-mınıstr Soltústik Qazaqstan oblysyna jumys sapary aıasynda ınvestısııalyq jobalardyń iske asyrylýyn tekserip, óńirdiń odan ári áleýmettik-ekonomıkalyq damýy jóninde keńes ótkizdi. Petropavl qalasy Qyzyljar AEA aýmaǵynda elektr tehnıkalyq ónimin óndiretin jańa zaýyttyń qurylys barysymen tanysty. 

Artynsha A. Mamın "Petropavl aýyr mashına jasaý zaýytyna" bardy. Onyń aýmaǵynda tez buzylatyn azyq-túlik ónimderin tasymaldaýǵa arnalǵan termos vagondardy qurastyratyn jańa óndiris orny ashylǵan.

Munan soń premer-mınıstr "Soltústik fanera kombınaty" JShS lamınattalǵan fanera óndiretin zaýyttyń jumysymen tanysty.

Keıin úkimet basshysy Petropavl qalasynyń "Shyǵys" shaǵyn aýdanynda JCI halyqaralyq standarttary boıynsha 510 tósek ornyna arnalǵan kópbeıindi oblystyq aýrýhana qurylysynyń barysyn tekserdi.

Artynsha Qyzyljar aýdanynyń Chapaevo aýylyndaǵy "Qyzyljar Sút" JShS-niń jańa sıfrlandyrylǵan sút-taýar fermasynda boldy.

"Jumys saparynyń qorytyndysy boıynsha premer-mınıstr Soltústik Qazaqstan oblysynyń áleýmettik-ekonomıkalyq damýy jáne aldaǵy kezeńge arnalǵan perspektıvalary jóninde keńes ótkizdi. О́ńir ákimi Qumar Aqsaqalov, aýyl sharýashylyǵy mınıstri Saparhan Omarov, ındýstrııa jáne ınfraqurylymdyq damý mınıstri Beıbit Atamqulov, densaýlyq saqtaý mınıstri Alekseı Soı, eńbek jáne halyqty áleýmettik qorǵaý mınıstri Serik Shápkenov, bilim jáne ǵylym mınıstri Ashat Aımaǵambetov, ulttyq ekonomıka vıse-mınıstri Ermek Alpysov jáne qarjy birinshi vıse-mınıstri Berik Sholpanqulov baıandama jasady" delingen resmı saıt habarlamasynda.

– Soltústik Qazaqstan oblysy agroónerkásiptik keshende, óńdeý ónerkásibinde jáne basqa da salalarda úlken áleýetke ıe. О́ńirdiń odan ári áleýmettik-ekonomıkalyq damýyna, onyń básekege qabilettiligin arttyrýǵa, halyqtyń turmys sapasy men ál-aýqatynyń joǵary bolýyn qamtamasyz etýge eleýli serpin berý qajet, – dedi A. Mamın.

2020 jyldyń qorytyndysy boıynsha Soltústik Qazaqstan oblysynyń aýyl sharýashylyǵyndaǵy jalpy ónim kólemi 779 mlrd teńgeni qurady, bul ótken jylǵydan 27%-ǵa joǵary, ónerkásiptik ónim óndirý kólemi – 306 mlrd teńge (+4,8%). Negizgi kapıtalǵa salynǵan ınvestısııalar kólemi 20,5%-ǵa – 281 mlrd teńgege deıin ulǵaıdy.