Májilis depýtaty Berik Sálimjanuly úkimet basshysy Asqar Mamınge jer máselesine baılanysty birneshe saýal joldady.

– 2016 jyly elimizde rezonans týǵyzǵan mıtıngilerden keıin Elbasy aýyl sharýashylyǵy maqsatyndaǵy jerlerdi paıdalaný máselesi boıynsha jer kodeksiniń keıbir normalaryna moratorıı engizgen. Búginde osy moratorııdiń aıaqtalýyna sanaýly ýaqyt qaldy. Osy oraıda prezıdent Toqaev 2019 jyldyń shildesinde úkimettiń keńeıtilgen otyrysynda "Jer – jumys isteıtin adamdarǵa berilýge tıis. Jer – óndiristiń basty faktory. Tıimdilik pen ashyqtyq bolmasa, aýyldy damyta almaımyz" degen edi. 2021 jyly jer kodeksiniń keıbir normalaryna moratorıı aıaqtalady. Bul másele boıynsha naqty sheshim qabyldanýǵa tıis. Osy 5 jyl ishinde ótkir bolǵan qoǵamdyq pikirtalas halyqtyń jer máselesi boıynsha naqty kózqarasy qalyptasqanyn kórsetti. Biraq bul eldiń jerge degen pikiri áli zańdastyrylǵan joq, – dedi depýtat. 

Ol budan buryn "Aq jol" partııasynyń jer jónindegi komıssııaǵa usynystaryn joldaǵanyn atap ótti.

 –  "Aq jol" partııasy úkimettiń janyndaǵy jer jónindegi komıssııaǵa sheteldik kompanııalar men azamattarǵa jerdi satýǵa, sondaı-aq Qazaqstanmen shekaralas shet memlekettermen olardyń azamattaryna jerdi jalǵa berýge tyıym salý týraly usynystaryn joldaǵan edi. Alaıda belgisiz sebeptermen komıssııanyń qorytyndy hattamasyna bul engizilmeı qaldy. Biz Toqaevtyń jer máselesine qatysty ustanymyn tolyq qoldaı otyryp, moratorıı merziminiń aıaqtalýyn eskerip jer zańnamasyna jedel túrde túzetýler engizý qajet dep sanaımyz. Úkimet joǵaryda aıtylǵandardy eskerip jer kodeksine tıisti ózgerister men tolyqtyrýlardy engizip, eldi alańdatqan jer daýynyń sheshilýine núkte qoıýy qajet. Usynysymyz qabyldanbaǵan jaǵdaıda "Aq jol" partııasy jer kodeksine óz tarapynan ózgerister engizýge daıyn ekenin bildiredi, – dedi Berik Sálimjanuly.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir