Toqaev  "Samuryq-Qazyna" UÁQ" AQ basqarma tóraǵasy Ahmetjan Esimovti qabyldady. Bul týraly akorda.kz saıty habarlady. 

Kezdesý barysynda prezıdentke "Samuryq-Qazyna" aksıonerlik qoǵamynyń 2020 jyly atqarǵan jumystarynyń aldyn ala qorytyndylary týraly baıandaldy.

Jahandyq daǵdarys pen pandemııaǵa qaramastan holdıng byltyr óz qyzmetin tabysty atqarǵan. Qorǵa qarasty kompanııalar qyzmetkerleriniń jappaı qysqarýyna jol bermegen. Qor kompanııalary aktıvteriniń ósimi 800 mıllıard teńgege jetken.

Akorda.kz saıtynyń málimetinshe, sońǵy 3 jylda "Samuryq-Qazyna" ulttyq ál-aýqat qory zaımdardy óteý úshin ulttyq qorǵa 554 mıllıard teńge qarjy aýdarǵan. Holdıngke qarasty kompanııalardyń bıznes-úderisterin sıfrlyq transformasııalaý nátıjesinde 171 mıllıard teńge paıda túsken.

Sonymen qatar memleket basshysyna otandyq taýar óndirýshilerdi qoldaýǵa baǵyttalǵan aýqymdy jumystar týraly aqparat berildi. 2018-2020 jyldardyń qorytyndysyna sáıkes satyp alýlar boıynsha únemdelgen qarjy 410 mıllıard teńge boldy.

Atqarylǵan aýqymdy jumystardyń nátıjesinde "Samuryq-Qazyna" holdınginiń kredıttik reıtıngi BB+/B "Turaqty" deńgeıde ekenin halyqaralyq Standart & Poor`s reıtıng agenttigi naqtylady.

Ahmetjan Esimov "QazMunaıGaz" ulttyq kompanııasy munaı baǵasynyń edáýir arzandaǵanyna jáne OPEC+ kompanııasynyń shekteýlerine qaramastan, qarjylyq reıtıngte oń kórsetkishin saqtap qalǵanyn jetkizdi. "Qazaqstan Temir Joly" aksıonerlik qoǵamy sońǵy 6 jylda birinshi ret ótken jyldy qarjylyq turǵydan paıdamen aıaqtaǵan. "Qazatomónerkásip" UK" aksıonerlik qoǵamy aktıvteriniń quny IPO-ǵa (2018 jyly) shyǵarylǵaly beri 2,1 mıllıardtan 5,1 mıllıard AQSh dollaryna deıin kóterilgen. "Samuryq-Energo" aksıonerlik qoǵamynyń qaryzy 100 mıllıard teńgege azaıyp, qarjy turaqtylyǵynyń "qyzyl" aımaǵynan "jasyl" aımaǵyna ótti.  

Kezdesý sońynda Qazaqstan prezıdenti "Samuryq-Qazyna" UÁQ" AQ basqarma tóraǵasyna birqatar naqty tapsyrma berdi. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir