Úkimet basshysy Asqar Mamın prezıdent Qasym-Jomart Toqaevqa koronavıýrsqa qarsy vaksınalar jóninde málimet berdi.

– Qazirgi ýaqytta otandyq QazCovid-in vaksınasy klınıkalyq synaqtyń III satysynan ótkizilip jatyr. Onyń aldyn ala tıimdiligi 96 paıyzdy quraıdy. "Spýtnık V" vaksınasynyń sapasy attestasııadan ótkizilýde. Sondaı-aq GMP standarty boıynsha vaksına shyǵaratyn bıofarm zaýytynyń qurylysy júrgizilýde, – dedi Mamın.

Kezdesý barysynda ekonomıkalyq ósimdi qalpyna keltirý, ınvestısııa tartý, halyqty jumyspen qamtýdy qoldaý, áleýmettik mańyzy bar taýarlardyń baǵasyn turaqtandyrý jáne elimizdiń áleýmettik-ekonomıkalyq damýynyń basqa da ózekti máseleleri jónindegi sharalar talqylandy.

Sonymen qatar úkimet basshysy prezıdentke Úkimettiń 26 qańtardaǵy keńeıtilgen otyrysyna daıyndyq barysy jaıynda aıtty. Memleket basshysynyń tóraǵalyǵymen ótetin jıynda eldiń áleýmettik-ekonomıkalyq damý qorytyndylary men aldaǵy kezeńde atqarylatyn mindetter qaralmaq.

Oqı otyryńyz:

Toqaev bıyl kimderdiń jalaqysy 25 paıyzǵa ósetinin aıtty

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir