19 Qańtar, 2021 Áleýmet

Qyzylordada balalar úıden jıi qashatyn bolǵan

Iývenaldy polısııa qyzmetkerleri ata-analarǵa balalaryn baqylaýsyz qaldyrmaýǵa shaqyrady.

Foto: centralasia.news

Qyzylordada balalardyń úıden qashý derekteri jıilep ketti. 15 qańtar túngi on bir jarymda qala turǵyny óziniń qyzy joǵalǵany jóninde polısııaǵa habarlama túsirgen, dep jazady 24.kz.

Kámeletke tolmaǵan qyz bala tereze arqyly sekirip, úıinen qashyp ketken. Dereý izdestirý jumysyna kirisken tártip saqshylary kóp uzamaı jasóspirimdi qurbysynyń úıinen tapty. Jalpy ótken jyly polıseıler panasyz jáne úlkenderdiń qadaǵalaýynsyz júrgen 186 balany beıimdeý ortalyǵyna ornalastyrdy. Sonyń ishinde 92 jasóspirim ata-anasymen renjisip, eshkimge eskertpeı ketip qalǵan. Tipti Almaty oblysynda joǵalǵan 12 jastaǵy jetkinshek Qyzylorda kósheleriniń birinde beımezgil ýaqytta jalǵyz júrgen jerinen tabyldy. Habar-osharsyz ketken jasóspirimderdiń barlyǵy úılerine aman-esen qaıtaryldy. Osy rette ıývenaldy polısııa qyzmetkerleri ata-analarǵa balalaryn baqylaýsyz qaldyrmaýǵa shaqyrady.

Baqyt Moldabekov, jergilikti polısııa basqarmasy bastyǵynyń orynbasary:

– 92 jasóspirimniń ishinde úıinen ketip qalýǵa beıim 5 jasóspirimdi «qadaǵalaýsyz jáne panasyz qalǵan kámeletke tolmaǵandar» sanatymen ishki ister organdarynyń esebine alyp, profılaktıkalyq jumystar júrgizilýde. Osyǵan oraı polısııa qyzmetkerleri ata-analarǵa balalaryna baqylaýdy jáne jaýapkershilikti kúsheıtip, qaýipsizdigin qamtamasyz etý sharalaryn arttyrý qajettigin qatań eskertedi.

"Qamshy" silteıdi
Ilmek sózder: Qyzylorda

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir