• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 08:53:43
Almaty
+6°

Qazaqstannyń premer-mınıstri Asqar Mamın densaýlyq saqtaý mınıstrligi men birqatar óńir basshylaryna tapsyrma berdi.

– Búginde koronavırýstyń "qyzyl" aımaǵyna 5 óńir kiredi. Onyń ishinde Nur-Sultan qalasy jáne Atyraý, Pavlodar, Aqmola, Qostanaı oblystaryna taǵy da bir oblys Soltústik Qazaqstan óńiri qosyldy. Jalpy respýblıka boıynsha vırýstyń reprodýktıvtik kórsetkishi 1,1-di quraıdy. Infeksııalyq tósek oryndardyń júktemesi – 32%, reanımasııalyq tósek oryndar – 23%. Búgingi tańdaǵy eń mańyzdy mindet – halyqty jappaı vaksınalaýdy uıymdastyrý. QazCovid-in otandyq vaksınasy klınıkalyq synaqtardyń III kezeńinen ótýde (aldyn ala tıimdiligi – 96%). "Spýtnık V" vaksınasynyń sapasyn attestattaý jumystary júrgizilip jatyr. GMP standarty bar vaksınalar shyǵaratyn bıofarmzaýyt salynyp jatyr, – dedi ol.

Úkimet basshysy epıdemıologııalyq jaǵdaıdy eskere otyryp, óńirlerdegi jaǵdaıdy turaqtandyrý úshin shuǵyl shara qabyldaý qajettigin atap ótti.

– Densaýlyq saqtaý mınıstrligine ákimdiktermen birlesip, 1 aqpannan bastap medısınalyq uıymdardyń halyqty "Spýtnık V-men" jappaı vaksınalaýdy bastaýǵa daıyn bolýyn qamtamasyz etýdi tapsyramyn. Sonymen birge medısına qyzmetkerlerin oqytý qajet. 1 apta merzimde egý pýnktteriniń ázirligin jáne turaqty qamtamasyz etý máselelerin sheshýdi tapsyramyn. Ekinshi, óńirlerdiń ákimderine epıdemıologııalyq jaǵdaı nasharlaıtyn bolsa, shekteý sharalaryn qabyldasyn, – dep sózin túıindedi A. Mamın. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir