19 Qańtar, 2021 NEWS
Foto: kino-teatr.ru
Akter, "Taqııaly perishte" fılminiń bas keıipkeri, Qazaqstannyń mádenıet qaıratkeri Álimǵazy Raıymbekov qaıtys boldy. Bul týraly Almaty oblysy ákimdiginiń baspasóz qyzmeti habarlady.
Ákimdik málimetinshe, akter koronavırýstan qaıtys bolǵan.
Álimǵazy Sumaǵululy 1936 jyly 1 jeltoqsanda Almaty oblysynda dúnıege kelgen. Alǵashqy eńbek jolyn aýylda júrgizýshi bolyp bastaǵan. 1965 jyly alǵashqy "Án qanatynda" fılminiń sporttyq is-sharalaryna shaqyrtý alady. 1966 jyly "Qıly kezeń" fılmine túsedi.
1968 jyly qazaq kınosynyń altyn qorynan oıyp turyp oryn alǵan "Taqııaly perishte" (rejısseri Sháken Aımanov) kınofılmindegi Taılaqtyń rólin somdaıdy. Osy kezden bastap jurtshylyqqa keńinen tanylady. Budan bólek, "Kógildir taksı", "Qan men ter" sekildi onnan asa kınofılmge túsken. Birneshe merekelik medal men Qurmet gramotalaryn alǵan. Almaty oblysy Kóksý aýdanynyń da Qurmetti azamaty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir