• USD 468.56

  • EUR 497.56

  • RUB 7.3

  • CNY 67.18

28 Naýryz, 22:36:42
Almaty
+35°

2020 jyly qazaqstandyqtarǵa múgedektikke baılanysty jáne asyraýshysynan aıyrylý jaǵdaıy boıynsha járdemaqy túrinde 366 mlrd teńgeden astam qarajat tólendi. Bul týraly eńbek jáne halyqty áleýmettik qorǵaý mınıstrligi habarlady.

Mınıstrliktiń málimetinshe, 2020 jylǵy qańtar-jeltoqsan aılarynda respýblıkalyq bıýdjetten 366 mlrd teńgeden astam qarajat, onyń ishinde múgedektigi boıynsha memlekettik áleýmettik járdemaqy tóleýge – 291 mlrd teńgeden astam qarajat, asyraýshysynan aıyrylý jaǵdaıyna – 75 mlrd teńge tólengen.

"2021 jylǵy 1 qańtardaǵy jaǵdaı boıynsha múgedektigi boıynsha memlekettik áleýmettik járdemaqy alýshylardyń sany shamamen 525 myń adamdy, asyraýshysynan aıyrylý jaǵdaıy boıynsha járdemaqy alýshylardyń sany 166 myń adamdy quraıdy.

Múgedektigi boıynsha memlekettik áleýmettik járdemaqylardyń mólsheri múgedektik tobyna jáne sebebine, sondaı-aq tıisti qarjy jylyna arnalǵan "Respýblıkalyq bıýdjet týraly" zańda belgilengen eń tómen kúnkóris deńgeıiniń shamasyna baılanysty bolady" delingen vedomstvonyń saıtynda.

Sonymen qatar 2020 jyldyń 1 sáýirinen bastap jalpy aýrýdan bolǵan I toptaǵy múgedektik boıynsha memlekettik áleýmettik járdemaqy mólsheri 62 723 teńge, II topqa – 49 983 teńge, III topqa – 33 975 teńge, 16 jasqa deıingi múgedek balalarǵa – 45 736 teńge boldy.

Asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri qaıtys bolǵan (qaza tapqan) asyraýshynyń asyraýyndaǵy adamdardyń sanyna, qaıtys bolý sebebine jáne eń tómengi kúnkóris deńgeıine baılanysty.

Mysaly, 2020 jylǵy 1 sáýirden bastap asyraýyndaǵy bir adamnyń asyraýshysynan aıyrylý jaǵdaıy boıynsha memlekettik áleýmettik járdemaqy mólsheri 28 095 teńgeni, asyraýyndaǵy eki adamnyń járdemaqysy 48 676 teńgeni qurady.

"Qamshy" silteıdi
Ilmek sózder: Qazaqstan járdemaqy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir