Mádı Ahmetov Elbasyǵa eskertkish ornatý týraly bastamasyn túsindirdi (vıdeo)

Jaqynda saılanǵan májilistiń eń jas depýtaty Mádı Ahmetov "Azat alań" baǵdarlamasyna bergen suqbatynda Qazaqstannyń eks-prezıdenti Nursultan Nazarbaevqa arnap eskertkish ornatý týraly bastamany ne úshin kótergenin aıtty. 

Jas depýtattyń aıtýynsha, memlekettiń qalyptasýyna úles qosqan jandarǵa qurmet kórsetý – álemdik trend.

– О́z ómiriniń teń jartysyn memlekettik qalyptasýyna arnaǵan, jalpy Qazaqstan úshin astanamyzdy salyp, Túrkistan qalasyn jańǵyrtyp, shekaramyzdy shegendep, til mártebesin kótergen, Semeı polıgonyn japqan. Siz ony tarıh betterinen syzyp tastaı almaısyz. Sondyqtan da ol kisiniń jasaǵan eńbegin moıyndap, úlgi alýǵa bolady. Bul - usynys tek qana meniń emes, Almaty qalasynyń jasotandyqtarynyń da usynysy. Oı meniki bolǵanymen, jasotandyqtarmen birlese otyryp kelistik. Qazir ártúrli BAQ bolsyn, áleýmettik jelidegi belsendiler bolsyn, olar sózimdi ózderine kerek formatta burmalap alyp jatyr. Men oılaımyn, bul búırekten sıraq shyǵaratyn nárse emes. Bul álemdik trend. Amerıkany, Túrkııany alyp qarasańyz da, Sıngapýrdy alyp qarasańyz da, memlekettiń qalyptasýyna úlesin qosqan azamattarǵa mundaı qurmet kórsetýdiń artyqshylyǵy joq, – dedi Mádı Ahmetov.