17 qańtarda AQSh prezıdenti Djo Baıdenniń ınaýgýrasııalaý aptalyǵynyń ashylýyna arnalǵan saltanatty is-sharada ánshi Dımash Qudaıbergen án shyrqady. Bul týraly dimashnews.com saıty habarlady.

Saıt málimetinshe, dástúr boıynsha saltanatty sharany baýyrlas qalalardyń halyqaralyq qaýymdastyǵy – Sister Cities International uıymy ótkizdi.

Koronavırýs ınfeksııasy pandemııasyna baılanysty bıyl shara onlaın-rejımde ótti.

Merekede belgili spıkerler men oryndaýshylar sóz sóıledi, olardyń ishinde: gýbernator Bıll Anabýttı, Djozefına Bıvers, general-maıor Armando Kabada, kongressmen Eleonora Holms Norton, maıor Tım Keller, senator Bob Menendez, AQSh teńiz orkestri, Kerol Robertson Lopez jáne basqalar bar.

Saltanatty rásim kezinde Dımash qazaqtyń halyq áni "Samaltaýdy" oryndady. Bul AQSh-tyń saılanǵan prezıdentin ınaýgýrasııalaý aptalyǵyn ashatyn is-sharada Sister Cities International men AQSh jáne Qazaqstan qarym-qatynasynyń búkil tarıhynda Qazaqstannan alǵash ret ártis qatysqan kez boldy.

Dımash SCI ókilderine shaqyrǵandary úshin alǵysyn bildirdi.

Sondaı-aq Dımashtyń 20 qańtarda Sister Cities International resmı saıtynda taǵy bir án oryndaýy kórsetiletindigi jarııalandy.

"Qamshy" silteıdi
Ilmek sózder: Dımash Qazaqstan AQSh

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir