Koronavırýs juqtyrǵan Meırambek Besbaevtyń jaǵdaıy belgili boldy

Belgili ánshi, "MýzART" tobynyń múshesi Sáken Maıǵazıev koronavırýsqa shaldyqqan Meırambek Besbaevtyń jaǵdaıy týraly habarlady.

 

– "Qaıbir jyly Meırambek aýyrǵanda jalǵyz ulymnyń tileýin tilemesem de, Meırambektiń tileýin tiledim" dep edi bir anamyz. Qazaqtyń baǵyna týǵan balasy Meı̆rambek birneshe kún buryn koronovırýstyń jeńil túrimen aýyryp bastap edi, keshe keshkisin qysymy qatty kóterilip, jansaqtaý bóliminen bir-aq shyqty. Allaǵa shúkir, búgin jeke palataǵa shyqty. Jaǵdaı̆y qalypty. Musylmannyń qarýy – duǵa. Qazaqtyń Meı̆rambegi, áýletiniń tiregi, "MýzARTtyń" júregi júzge jetsin, – dep jazdy Sáken Maıǵazıev jelidegi paraqshasynda.

 

Buǵan deıin Qazaqstannyń eńbek sińirgen qaıratkeri, "Daryn" memlekettik jastar syılyǵynyń ıegeri, ánshi Meırambek Bespaev koronavırýs juqtyryp, aýrýhanaǵa túskeni, artynsha jansaqtaý bóliminde jatqany habarlanǵan.