Qazaqstan eń az jalaqy usynatyn elder qataryna endi

Qazaqstan eń tómengi jalaqy usynatyn reıtıng boıynsha úshinshi orynda tur, dep habarlady Picodi.com.

Zertteýge úkimet belgilegen eń tómengi jalaqysy bar 56 el qatysqan. Keıbir elderde eń tómengi jalaqyǵa salyq salynbaıdy (Fılıppın, Gonkong). Sondyqtan zertteý taza somany, ıaǵnı qyzmetkerdiń qolyna alatyn aqshany qarastyrǵan.

Reıtıngte sońǵy satyda kórshi el О́zbekstan jaıǵasqan. Ol jerde eń tómengi jalaqy 57 dollar deńgeıinde belgilengen. (Qazaqstan Ulttyq bankiniń baǵamy boıynsha 23 883 teńge). Onyń aldynda Nıgerııa tur – 71 dollar (29 749 teńge). Sońynan sanaǵanda úshinshi orynda 88 dollarmen (36 872 teńge) Qazaqstan tur.

Eń tómengi jalaqy 2241 dollardy (938 979 teńge) quraıtyn Lıýksembýrgtegi tabys 56 eldiń ishindegi eń joǵary kórsetkish dep baǵalanǵan.