Tesla jáne SpaceX kompanııasynyń bas atqarýshy dırektory Ilon Mask sońǵy suhbattarynyń birinde qyzyqty oılaryn jetkizdi. Ol dúnıejúzilik úshinshi soǵystan buryn Marsta qala salyp bitýdi josparlap otyrǵanyn, óz komandasyn jasaqtaýdaǵy tásilderin jáne bógde ǵalamsharlyqtar týraly aıtty.
 
Ilon Masktyń Birikken Arab Ámirlikteri bolashaq jáne kabınet isteri mınıstri, Dúnıejúzilik úkimet sammıtiniń tóraǵasy Mohammad Al Gergavımen suhbaty bylaı órbidi: 
 
Muhammed Ál Gergavı: Siz komandany qalaı jasaqtaısyz? Neni negiz etesiz?
 
Ilon Mask: Meniń (jumysqa alardaǵy) ıntervıýde qoıatyn negizgi suraqtarym qashanda birdeı.
 
Muhammed Ál Gergavı: Ne suraısyz?
 
Ilon Mask: Men "maǵan óz ómirinde ótkergen oqıǵalar týraly aıtyp ber" deımin. Onyń ómir jolynda qandaı sheshimder qabyldaǵanyn jáne nege ol sheshimderdi qabyldaǵanyn suraımyn. "Maǵan sen jolyqqan eń qıyn problemany aıt jáne ony qalaı sheshtiń?" dep suraımyn. Bul suraq, menińshe, óte mańyzdy. О́ıtkeni problemany shynymen sheshken adamdar is júzinde ony qalaı sheshý kerek ekenin biledi. Olar kishkene detalge deıin biledi. Al sheshken bolyp kóringisi kelgen adamdar bir qadam jasamaýy múmkin. Biraq sosyn olar tutylady.
 
Muhammed Ál Gergavı: Sizdińshe, Jer sharynan basqa jaqta ıntelegentti tirshilik bar ma?
 
Ilon Mask: Múmkin. Fızıka men fılosofııadaǵy úlken suraqtardyń biri: Bógde ǵalamsharlyqtar qaıda? Múmkin olar bizdiń aramyzda (otyr). Biraz adamdar meni bógde ǵalamsharlyq deıdi. Biraq ol shyndyq emes.
 
Muhammed Ál Gergavı: Múmkin biz bógde ǵalamsharlyq shyǵarmyz. Keıbireýler "adamzat Jer sharynyky emes" deıdi. "Adamzat basqa bir jerden keldi" deıdi. "Adam ata men haýana basqa jaqtan kelgen" dep aıtylady. Sizdińshe, biz kelesi elý jylda bógde ǵalamsharlyqtarmen habarlasa alamyz ba?
 
Ilon Mask: Bul saýalǵa jaýap berý óte qıyn. Eger álemde sýperıntelegentti tirshilik bolsa, olar áldeqashan bizdi baqylap otyr. Biz tek ony seze alatyndaı deńgeıde aqyldy emespiz... Jaryq jyldamdyǵynan aspaı, tipti, jaryqtyń 10-20 paıyzyndaı jyldamdyqpen dep eseptegende, búkil galaktıkany baǵyndyrýǵa 10 mıllıon jyl ketedi, múmkin maksımým 20 mıllıon jyl ketedi. Bul ýaqyt salystyrmaly túrde túk emes.
 
Ilon Mask Mars qoǵamynyń vırtýaldy konvensııasynda "úshinshi dúnıejúzilik soǵystan buryn" Qyzyl ǵalamsharda qala salyp úlgerý kerek ekenin aıtty. 
 
– Menińshe, ózin-ózi qamtamasyz ete alatyn Mars qalasyn salý óte mańyzdy. Bul ister az adamdarǵa nemese baza qurý úshin ǵana jasalmaýy kerek. Qaıta táýelsiz qala qurý kerek. Mysaly, Jer sharynan ǵarysh kemeleri Marsqa kelmeı qalsa, Qyzyl ǵalamshardaǵy qala ómir súre ala ma? Ár túrli sebep bolýy múmkin. Eger ǵarysh kemeleri Marsqa barmaı qalǵan jaǵdaıda, qalaı bolady? Qala quryp kete me? Olaı bolsa, mıssııa qaýipsiz emes. Sosyn mynadaı saýal týyndaıdy. "Biz ózin-ózi qamtamasyz etetin Mars qalasyn dúnıejúzilik úshinshi soǵystan buryn salyp bitemiz be, joq, keıin jasaımyz ba?" Meniń oıymsha dúnıejúzilik úshinshi soǵystan keıin ony isteý yqtımaldyǵy tómen. Sol úshin biz buryn qala salýymyz kerek. Bul tek qaýipti jaǵyn qarastyrý. Mysaly, úlken soǵys, iri janartaýlar, kometanyń Jerge soǵylýy sııaqty yqtımaldyqtardy qarastyrý kerek, – dedi Ilon Mask.
"Qamshy" silteıdi
Ilmek sózder: Ilon Mask suhbat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir