VII shaqyrylǵan májilistiń birinshi jalpy otyrysynda úkimet basshylyǵyna usynylǵan Asqar Mamınniń kandıdatýrasyn májiliske engen úsh partııanyń ekeýi qoldamady.

"Qazaqstan halyq partııasynyń" tóraǵasy Aıqyn Qońyrov Mamın kandıdatýrasyn qoldamaý sebebin túsindirdi.

– Prezıdent myrza, búgin Qazaqstan halyq partııasy fraksııasy ókinishke qaraı, Asqar Mamındi premer-mınıstr qyzmetinde, onyń mınıstrler kabınetiniń ókilderin ornynda qaldyrý usynysyńyzdy qoldaı almaıdy. Sondyqtan daýys berýde qalys qalady. Úkimet "Halyq únine qulaq asatyn memleket" bastamasy boıynsha laıyqty jumys isteı almady. Úkimet pen jergilikti atqarýshy organdar qyzmetine nemketti qaraı bastady. Qarapaıym halyq pen olardyń problemalary esep sandarynyń tasasynda qalyp qoıdy. Mınıstrler men keı ákimder halyqtan teris aınaldy. Bul túsinbeýshilikke ákelip soǵyp, azamattardyń ashýyn týdyrýy múmkin, – dedi Aıqyn Qońyrov.

Mamın kandıdatýrasyna daýys berýden Aq jol partııasynyń depýtattary da qalys qaldy.

Osylaısha, 78 depýtat Mamın kandıdatýrasyn qoldasa, 21 depýtat daýys berýde qalys qaldy.

Kópshilik daýysqa ıe bolǵan Asqar Mamın premer-mınıstr atandy.

Keshe Nur Otan partııasynyń tóraǵasy Nursultan Nazarbaev partııalastaryn prezıdent úkimet basshysy qyzmetine Asqar Mamındi usynǵan jaǵdaıda, bastamany qoldaýǵa shaqyrǵan.

"Qamshy" silteıdi
Ilmek sózder: májilis Asqar Mamın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir