• USD 424.85

  • EUR 504.21

  • RUB 5.84

  • CNY 65.86

24 Qazan, 18:43:32
Almaty
+7°

Ánshi Aqbota Kerimbekova Shymkent qalasy mádenıet basqarmasy basshysynyń orynbasary qyzmetine taǵaıyndaldy. Eldegi BAQ betterinde osyndaı aqparat taraǵan. Ánshiniń ózi atalmysh derekti rastap, bul qyzmet oǵan usynylǵan alǵashqy laýazym emes ekenin aıtty. 

Ras, Shymkent qalasynyń basshylyǵy, mádenıet salasynyń jetekshileri atalmysh qyzmetti usyndy. Men birden kelise salǵan joqpyn, basqarma basshylyǵy maǵan salanyń tynys-tirshiligimen jete tanysýǵa múmkindik jasaýda. Qazir sala jumystaryna zer salyp, Memlekettik qyzmetke ornalasý úshin tapsyrylýǵa tıis testke daıyndyq ústindemin. Jazbalardan "zań men quqyqtan habarsyz" degen pikirlerdi kózim shaldy. Atalmysh test barlyq zańdyq jáne quqyqtyq normatıvterdi qamtıdy. Meniń basshylyq laýazymǵa qol jetkizýime eshqandaı konsıtýtısııalyq shekteýler men zańdy quqyǵymnan aıyrý sheshimderiniń joqtyǵyn eskersek, orynbasar qyzmetine taǵaıyndalýym jurtty alańdatpaýy kerek dep oılaımyn, – dedi Aqbota Kerimbekova. 

Ánshi 25 jyl úlken sahnada júrip, bútin basqarma jasaıtyn jumystardy, eseptik konsertterdi bir ózi atqarǵanyn aıtady.

Múmkindigimshe, mamandyǵyma adal bolyp, tyńdarmanyma sapaly dúnıe usyndym. Sony eldik deńgeıde memlekettik múmkindikterdi paıdalana otyryp jalǵastyratyn kez kelgen sekildi. Bul qyzmet –  maǵan usynylǵan alǵashqy laýazym emes. Buǵan deıingi usynystardan jastyǵymdy, albyrttyǵymdy aldyǵa tarta otyryp bas tartqanmyn! Qazir mende bári basqasha... Meniki "uıalmaǵan buıyrmaǵandy alady" emes! Shymkent – meniń óz jurtym, týǵan jerim! Meni izdep, senim artyp, shaqyrǵandaryna shyn qýanyshtymyn, – dedi ánshi.  

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir