10 Qańtar, 2021 NEWS
Foto vlast.kz telegram arnasynan alyndy
Májilis saılaýyna boıkot jarııalap, mıtıngke shyqqan belsendi Janbolat Mamaı men onyń jaqtastary jáne "Oyan, Qazaqstan" qozǵalysynyń músheleri Respýblıka alańynda álige deıin polısııa qorshaýynda tur. 8 saǵattan beri bir orynda turǵan belsendilerdiń keıbiriniń densaýlyǵy syr berip, jedel járdem shaqyrýǵa týra kelgen. Bul týraly belsendi Inga Imanbaı facebook paraqshasynda habarlady..
– Demokratııalyq partııanyń belsendisi Arýjan Dúısebaevany es-tússiz kúıde jedel járdem kóligimen alyp ketti. 8 saǵat boıy sýyq pen ashtyqta turǵannan aýyryp qaldy. Dempartııalyqtar men Janbolat Mamaıdy áli OMON-dar qorshap tur, – dep jazdy Inga Imanbaı.
Sondaı-aq "Oyan, Qazaqstan" qozǵalysynyń ókili Ásem Japısheva da aýyryp, jedel járdemmen aýrýhanaǵa jetkizildi.
– Ásem Japısheva jedel járdem arqyly 12 aýrýhanaǵa jetkizildi! Janbolat Mamaı men onyń jaqtastary alańda 8 saǵattan astam ýaqyttan beri tur, – dep jazdy Imanbaı.
Narazylar qorshaýǵa alynǵaly nár tatpady. Aıtýlarynsha, dárethanaǵa jibermegendikten, turǵan jerlerinde dáret syndyrýǵa týra kelgen.
Taǵy oqyńyz:
♦ "Darıǵa kelme", "Ermahan qarabet", "Mamaı qumalaq". Saılaý kúngi Almatydaǵy mıtıng
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir