Qyrǵyz Respýblıkasynyń eks-memlekettik hatshysy Osmonakýn Ibraımov álemde eshkim halyqaralyq quqyqpen tanylǵan ulttyq shekaralardy daýlaýǵa quqyly emes dep sanaıdy. Bul týraly ol 8 qańtarda Nur-Sultan qalasynda Halyqaralyq Túrki akademııasy ótkizgen «Túrki álemi: tarıhı-mádenı mura» atty halyqaralyq konferensııada málimdedi.

Atalǵan jıynda onlaın rejımde baıandama jasaǵan O.Ibraımov: «Qazirgi Eýrazııa keńistiginiń ǵasyrlar boıyǵy tarıhyn jáne búgingi kelbetin túrkitildes memlekettersiz elestetý múmkin emes. Álemniń saıası kartasynda bizdiń táýelsiz memleketter paıda bolǵannan bergi otyz jylda, biz olardyń zańdy halyqaralyq quqyq sýbektileri ári álemdik kontekste táýelsiz mádenı-ekonomıkalyq qurylym retinde tolyq qalyptasqandyǵyn batyl túrde aıta alamyz. Qazirgi zamanda halyqaralyq deńgeıde moıyndalǵan ulttyq shekaralardy ótken tarıhtyń daýly málimetterine, ańyzdar men mıfterge súıenip qaıta daýlaýǵa eshkimniń qaqysy joq» dep atap ótti.

Onlaın-offlaın rejımde ótken sharaǵa 20 astam memleketten ǵalymdar men sarapshylar, sondaı-aq, túrki áleminiń birqatar resmı tulǵalary, halyqaralyq uıymdardyń ókilderi qatysty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir