08 Qańtar, 2021 Áleýmet

6 jyl quldyqta bolǵan qyz: Itterge talatamyn dep qorqytty

#NeMolchıKZ qorynyń negizin qalaýshy Dına Tańsári Facebook paraqshasynda 12 jyl quldyqta bolǵan qyzdyń aýyr taǵdyryn baıandady.

Foto: kollaj

12 jastaǵy qyz 6 jyl quldyqta bolǵan. Ol anasy jáne ájesimen Tashkentten (О́zbekstan) Almatyǵa keledi. Anasy ájesiniń qujattaryn bireýge kepilge berip ózi olardy tastap belgisiz jerge ketip qalǵan. Ol ýaqytta qyzdyń jasy 11-de edi. Anasynyń qurbysy olarǵa úıinde ýaqytsha turýǵa ruqsat beredi. Kóp ýaqyt ótpeı olardyń ómirinde A paıda boldy. Ol qyz ben ájesine shulyq, oramal sekildi taýardy satýdy usynady. Ájesiniń qujaty joq, al qyzdyń tek týý týraly kýáligi ǵana bar bolǵandyqtan amalsyz kelisedi. Bir aı ájesi men qyzy páter jaldap turady, odan keıin A olardy ata-anasynyń úıine kóshirip ákeledi. A-nyń anasy birinshi kúni-aq ekeýine úı jumysyn isteýge májbúrlegenin eske aldy. Olardyń kúni ózgermeıtin ssenarıımen ótetin. Ájesi men nemeresi úı jınap, tamaq pisirip, kir jýyp, 15 alabaıdy tamaqtandyrýmen aınalysatyn. A-nyń ákesi ıtterdi satýmen aınalysady.

Qyz 12 jasqa tolǵanda A (onyń jasy ol ýaqytta 24 edi) úıde olardyń jalǵyz qalǵanyn paıdalanyp qyzdy zorlaıdy. Qyz jynystyq qatynasqa túsýge fızıkalyq turǵyda jetilmese de A qyzdy kúnde zorlaýdy ádetke aınaldyrǵan. Qyz A-nyń anasyna bolǵan jaǵdaıdy baıandady, alaıda A-nyń anasy bul jaǵdaı týraly eshkimge tis jarmaýyn talap etken. Zorlaý týraly qyzdyń ájesi estigende janjal shyqty. Sol ýaqytta A-nyń ákesi aralasyp, bireýge shaǵymdansa olardyń sońyna túsip, bóten elde júrgenin eske salyp,  «byt-shytyn» shyǵaryp, qaldyqtaryn ıtterge beremin dep qorqytqan.

Bir jyldan keıin qyz 14-ke tolǵanda bala kóteredi. Júktilik týraly ájesi bilmeıdi. A-nyń ata-anasy ájesi istiń mán-jaıyn túsinbeı turǵanda odan qutylýdyń joldaryn izdeıdi. Ájesin qýyp, qyzdy úıde qaldyrady.

Júktilik kezinde qyzdy dárigerge aparmaǵan. A kámelet jasqa tolmaı turyp qylmysqa barǵan, úıinen jıi qashyp ketip júrgen. Qyzdy úıge kóshirip alyp kelgennen keıin úıden jyraqqa ketýdi qoıǵan. Úıde tegin úı qyzmetkerin, balasyna seks quldyqta bolatyn «áıel» ustaý otbasy úshin tıimdi edi.

Otbasy qyzdy júktilik kezinde qamaýda ustap, ájesimen telefonmen sóıleskende qasynda otyryp, ár sózin ańdyǵan.

Perzenthanaǵa barmas buryn A-nyń anasy balasy túrmege otyrmaýy úshin dárigerlerge aıtatyn sózderin aldyn ala daıyndap, aıtqanyn buljytpaı qaıtalaýyn talap etedi.

Qyz  aýyr bosandy. Dárigerler jatyrdy alyp tastaýdy oılady, qýanyshqa oraı ony aman alyp qaldy.

A-nyń anasy polısııaǵa qyzdyń О́zbekstan azamatymen baılanysqa túsip, odan bala kótergenin aıtady. Qyzdy ana men bala úıine alyp ketedi. Bul ýaqyt qyz aýyr depressııada bolǵandyqtan kóp jaǵdaı esinde joq. Qyz kúni boıy terezege qarap únsiz otyratyn bolǵan.  Ana men bala úıiniń qyzmetkerleri qyzdy esinen aýysqan dep oılaǵan. 

Eki apta ótkennen keıin A-nyń anasy qyzdy óz qamqorlyǵyna alǵysy keletinin aıtyp, ana men bala úıi qyzmetkerleriniń senimine kirip, qyz ben sábıdi alyp ketken.

Zańsyzdyq úshin jazasyn ótemegennen keıin qyzdy quldyqta ustaǵan otbasy odan saıyn kúshine mindi.

Qyz 16-ǵa tolǵanda ekinshi balany dúnıege ákelgen. Ol ýaqytta qyzdyń belgisiz bireýmen óz qalaýymen jynystyq qatynasqa túsip, odan bala kótergenin aıtqan. Ekinshi júktilik kezinde de qyzdy dárigerdiń tirkeýine qoımaǵan, teksermegen.

Ul bala dúnıege kelgennen keıin ol qatty aýyrdy. Sábıdiń ishi aýyryp, qusqan. Qyz ulyn dárigerge kórsetýin ótinse de balaǵa medısınalyq kómek kórsetilmedi. Úsh aıdan keıin sábı shetinep ketti.

A qamaýǵa alyndy. Onyń ata-anasy bostandyqta, ıaǵnı ana men qyzdyń ómirine qaýip tónip tur dep qaýiptenedi Dına Tańsári. Olardy memleket qorǵaýy kerek degen oıda.

Qyz quldyqta bolǵan 6 jylda birde bir ret óz erkimen jynystyq qatynasqa túspegen. Qyz jynystyq qatynas kezinde aýyrlyq sezimin sezingenin jáne ol týraly talaı márte aıtsa da A ony zorlaýyn toqtatpaǵanyn aıtty.

Almatylyqtar qyz ben balasyna materıaldyq jáne moraldyq kómek kórsetti. Dına Tańsári jınalǵan qarjyǵa azyq-túlik, dári-dárimek pen basqa da qajetti zattar satyp alynǵanyn aıtady. Qaıyrymdylyqqa 393 555 teńge jınaldy. Qazir qyz ben anasy týý týraly kýálik aldy. Is QR Bilim jáne ǵylym mınıstrligi, О́zbekstannyń balalar ombýdsmeniniń qaraýynda.

Qyz ben onyń balasyna kómekteskisi keletinder Almat Mýhamedjanovtyń atyna tirkelgen +7705 151 0000 nómirine «Almatydaǵy qyzǵa» (dlıa devochkı ız Almaty) dep jazyp aqsha jibere alady.

Búgin Dına Tańsári jelide qyzdyń ájesi jumys tapqanyn jazdy. О́zbekstannyń Qazaqstandaǵy Bas elshisi qabyldaǵanyn habarlady. О́zbekstan elshiligi otbasy múshelerine qujat alýǵa kómektespek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir