Qazaqstanda 2020 jylǵy 11 aıdyń qorytyndysy boıynsha farmasevtıkalyq ónerkásip óndirisiniń kólemi 39,5 paıyzǵa ósti. Osy kórsetkish arqyly «Hımfarm» AQ-nyń óndirisi 2 ese, «Dolche» JShS óndirisi 18 paıyzǵa jáne «Abdı Ibragım global farm» kompanııasynyń óndirisi 62 paıyzǵa óskenin ańǵarýǵa bolady, dep habarlady QazAqparat.

Biryńǵaı dıstrıbıýtor «SQ-Farmasııa» kompanııasynyń kómegimen kepildendirilgen tegin medısınalyq dári-dármekti jetkizý men medısınalyq qurylǵylarǵa degen suranys farmasevtıkalyq ósimge yqpalyn tıgizdi. Aýrýhanalarda asa qajetti dári-dármektiń eki aılyq qory jınaqtaldy. Azamattarǵa KVI boıynsha PTR testiden ótý múmkindigi berildi, al bul qyzmettiń baǵasy eki ese arzandady.

Bıologııalyq qaýipsizdik problemalary ǵylymı-zertteý ınstıtýtynyń ǵalymdary koronavırýsqa qarsy QazCovid-in vaksınasyn oılap tapty. Osy vaksınanyń alǵashqy eki synaǵy sátti ótti. 2020 jylǵy 19 jeltoqsanda vaksına synaǵynyń úshinshi kezeńi bastaldy.

Jambyl oblysynyń Qordaı aýdanynyń aýmaǵynda koronavırýsqa qarsy vaksına zaýyty salynyp jatyr. 2021 jylǵy naýryz aıynda alǵashqy vaksınalar daıyn bolady. Zaýyt 30 mıllıonnan 60 mıllıonǵa deıin vaksına ázirleýge qaýqarly.

Sonymen qatar Almaty, Qyzylorda, Qostanaı, О́skemen, Shymkent, Kókshetaý men basqa da qalalarda 70-ke jýyq tigin kásiporny maska tigip jatyr. Bul kásiporyndar kúnine 700 myńdaı maska tigedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir