• USD 475.51

  • EUR 464.15

  • RUB 8.2

  • CNY 66.85

03 Qazan, 20:59:12
Almaty
+12°

Qazaqstan Respýblıkasynyń Prezıdenti Qasym-Jomart Toqaevtyń «Táýelsizdik bárinen qymbat» maqalasy – halqymyzdyń ótkenine men búginin baǵalaıtyn, bolashaǵyna baǵdar beretin parasatty bastamasy jaıynda Ál-Farabı atyndaǵy QazUÝ-dyń JOO-ǵa deıingi daıyndyq kafedrasynda ustazdar ujymy arasynda 6 qańtar kúni pikir saıys (bul jaıynda málimetti www.kaznu.kz saıtynan tolyǵyraq bile alasyzdar) uıymdastyryldy.

Prezıdent óz maqalasynda Táýelsizdik alǵanymyzǵa bıyl otyz tolatynyn, osy jyldar ishinde memleketimizdiń daǵdarysy men damýy almasqan mezgil bolǵanyn, Tarıh atty shejire atamyzǵa bul otyz jyl qas-qaǵym sát bolǵanymen, bizdiń elimiz úshin táýelsizdik tuǵyryn turaqtandyrǵan, ulttyq qundylyqtarymyzdy saralap qalyptastyrǵan qıynshylyqty qýanyshpen almastyrǵan kezeń ekendigine toqtala, azattyqtyń otyz jylyn tutas dáýir retinde qarastyryp, úsh úlken kezeńge bóledi.

Árbir onjyldyqtyń memleketimiz úshin ózindik orny bar ekenin parasatty túrde paıymdap, alǵashqy onjyldyqty jas memleketimizdiń Táýelsizdik týyn tikken, memlekettiń irgetasyn qalaǵan belesi dep, Ata zańymyz qabyldanyp, ulttyq valıýtamyz – teńgeniń qarjy aınalymyna engenin, elimizdiń qorǵany Qarýly Kúshterimiz qurylǵan, saıası-ekonomıkalyq arenada alys jáne taıaý sheteldik eldermen, tipti AQSh, Túrkııa, Japonııa, Qytaı, Reseı, Saýd Arabııasy alpaýyt memlekettermen dıplomatııalyq qatynastar ornatyp, álemdegi bedeldi halyqaralyq uıymdarǵa múshe bolǵanyn atap ótip, alǵashqy onjyldyqta Qazaqstan óziniń Azııa barysy retinde tanyla bastaǵany týraly jáne bundaı izgilikti qadamdardyń elimiz úshin óte mańyzdy bolǵanyn taldap kórsetedi.

«Qazaqstan-2030» strategııasy elimizdiń Naryqtyq ekonomıkaǵa kóshýine, taǵdyrdyń tálkegimen, totalıtarlyq júıeniń tepereshinen álemge tarydaı shashylǵan qazaq halqynyń atamekenine qaıta oralýyna keńinen jol ashqan Uly kóshtiń bastaýy bolǵanyn jáne bul Uly kósh joǵaltqanymyzdy taýyp, joǵymyzdy qaıta tapqan ulttyq rýhymyzdy kóterip el eńsenin tiktegen mańyzdy beles ekenin baıandady. Kelesi onjyldyqtyń táýelsizdigimizdi tuǵyrly etetin naqty da mańyzdy shara – qurlyqtaǵy barlyq shekaramyzdy aıqyndap, halqymyzdyń asyl qazynasy, ata-baba muratyn, amanatyn, tarıhymyzdy qasterleıtin «Mádenı mura» baǵdarlamasy qabyldanyp, elimizdiń basty ekologoııalyq máselelerine basty nazar aýdarylyp, kepken Aral teńizin qalpyna keltirý sharasy qolǵa alynyp, elimizdiń ekonomıkasy nyǵaıǵanyn atap ótti.

Úshinshi onjyldyqtaǵy «Qazaqstan-2050» strategııasy, ár baǵyt boıynsha «Údemeli ındýstrııalyq-ınnovasııalyq damý», «Nurly jol» «100 naqty qadam» sekildi kólemdi ıgi sharalardyń júzege asyrylyp, rýhanı jańǵyrýdyń jańa kezeńi bastalǵan mańyzdy kezeń ekendigine toqtalyp, basty baǵdarlamalar men jobalardy «maqalanyń «baǵda men beles» atty taraýdy naqty atap kórsetti. Prezıdentimizdiń bul maqalasy halqymyzdyń ótkeni men búginine naqty baǵa bergen, bolashaǵyna baǵdar berip, «Jońǵar shapqynshylyǵy kezinde «Aq taban shubyryndy, Alqakól sulamany» basynan keshken, patshalyq Reseıdiń bodany bolǵan, kommýnısttik totalıtarlyq júıeniń de «asharshylyq» pen repressııasyn, Uly Otan soǵysyn basynan keshken bizdiń el úshin Táýelsizdiktiń mańyzy zor ekenin, Táýelsizdik tuǵyrynyń berik bolýy Qazaqstan halyqtarynyń yntymaqtastyǵy men bereke-birliginde atap kórsetken, bolashaq urpaǵymyzdyń jarqyn bolashaǵy úshin eńbek etýge shaqyrǵan áleýmettik-tárbıelik saıası máni zor maqala boldy.

R.T.NARALIEVA

A.K.BEGALIEVA

Ál-Farabı atyndaǵy QazUÝ-dyń aǵa oqytýshylary

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir