• USD 424.85

  • EUR 504.21

  • RUB 5.84

  • CNY 65.86

20 Qazan, 05:40:52
+10°

Memleket basshysy Básekelestikti qorǵaý jáne damytý agenttiginiń tóraǵasy Serik Jumanǵarındi qabyldady. Bul týraly akorda.kz saıty habarlady. 

Qasym-Jomart Toqaevqa eldegi básekelestikti damytýdyń negizgi baǵyttary men atalǵan salany jetildirý jóninde berilgen tapsyrmalardyń oryndalý barysy týraly esep berildi.

Serik Jumanǵarın prezıdentke ártúrli naryqtarda básekelestikti damytýǵa kedergi bolyp otyrǵan máseleler týraly jáne básekelestikti damytý jónindegi ulttyq jobanyń ázirlenip jatqanyn aıtty.

Qasym-Jomart Toqaevqa zańnamadaǵy keıbir ózgerister, atap aıtqanda, memleket ıeliginen shyǵarý saıasatyna qatysty, memlekettik jáne jekemenshik operatorlardy retteý tetikteri, sondaı-aq, básekelestik salasynyń damýyna normatıvtik-quqyqtyq aktilerdiń áserin baǵalaýdy engizý jaıynda baıandaldy.

Sala mamandarynyń kásibı áleýetin kóterý sheńberinde prezıdentke KAZGIýÝ Ýnıversıtetiniń bazasynda «Básekelestik quqyq» mamandyǵy boıynsha magıstratýranyń bilim berý baǵdarlamasynyń ashylǵany jóninde aıtyldy.

Sonymen qatar, Serik Jumanǵarın memleket basshysyna bıylǵy jyldan bastap elimizde ashyq bırjalyq saýda bastalatynyn, onyń munaı ónimderi, kómir, elektr energııasy, suıytylǵan gaz jáne AО́K ónimderin qamtıtynyn habarlady.

Budan bólek prezıdenttiń tapsyrmasy boıynsha farmasevtıka, gaz salalarynda júrgizilip jatqan tekserýlerdiń barysy, sondaı-aq, dári-dármek baǵasyn retteýdiń jańa tásilderi týraly jan-jaqty baıandaldy.

Kezdesý sońynda Qasym-Jomart Toqaev agenttik tóraǵasyna bırjalyq saýdany damytýǵa, vedomstvo júrgizip jatqan tekserýlerge, sondaı-aq, shaǵyn jáne orta bıznesti qorǵaý jáne damytýǵa baılanysty birqatar tapsyrma berdi.

"Qamshy" silteıdi
Ilmek sózder: Toqaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir