• USD 424.85

  • EUR 504.21

  • RUB 5.84

  • CNY 65.86

24 Qazan, 17:23:37
Almaty
+10°

Dımash Qudaıbergen Amerıka Qurama Shtattarynda 17 qańtar kúni jańadan saılanǵan AQSh prezıdenti Djozef Baıdenniń ınaýgýrasııasyn toılaý aptalyǵynyń ashylý saltanatyna qatysady. Bul týraly dimashnews.com saıty  habarlady.

Dástúr boıynsha is-sharany "Sister Cities International" (Baýyrlas qalalar assosıasııasy) uıymy ótkizedi. AQSh-tyń jańadan saılanǵan prezıdenti Djozef Baıden uıymnyń qurmetti teń tóraǵasy atanǵan.

"Sister Cities International" uıymynyń negizi qalanǵaly jáne AQSh pen Qazaqstannyń qarym-qatynasy tarıhynda alǵash ret jańa saılanǵan AQSh prezıdentiniń ınaýgýrasııasyn toılaý aptalyǵyn ashatyn is-sharaǵa qazaqstandyq ánshi – Dımash Qudaıbergen qatysady.

Pandemııaǵa baılanysty mereke 2021 jyldyń 17 qańtarynda saǵat 19:00-den 21:00-ge deıin (Nur-Sultan ýaqyty boıynsha saǵat 6:00-den 8:00-ge deıin) onlaın túrde ótedi" delingen aqparattyq habarlamada.

Vashıngtonda ornalasqan "Sister Cities International" halyqaralyq úkimettik emes uıymynyń negizin 1953 jyly AQSh-tyń 34-prezıdenti Dýaıt Eızenhaýer qalaǵan.

Sol kezden beri AQSh prezıdentteri Djon F. Kennedı, úlken Djordj Býsh, Bıll Klınton, Barak Obama jáne Donald Tramp bul uıymnyń qurmetti teń tóraǵalary boldy.

"Sister Cities International" 70 jylǵa jýyq tarıhynda AQSh qalalary jáne onyń 130-dan asa memlekettegi baýyrlas qalalarynyń ózara árekettesýine baılanysty kóptegen is-sharalardy ótkizdi.

"Sister Cities International" is-sharasynan bir kún buryn, 16 qańtarda Dımash Qudaıbergenniń  "DIMASH DIGITAL SHOW" atty alǵashqy onlaın-konserti ótkiziledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir