«Nur Otan» Jańa joldaǵy jol máselesin sheshedi

«Nur Otan» partııasynan Jambyl oblystyq máslıhaty depýtattyǵyna kandıdattar Nazymhan Abıtaev pen Láılıa Begımbaeva Shý aýdany Jańa jol aýylynda kópbalaly analarmen jáne turǵyndarmen kezdesti. 

– Shý aýdany «Nur Otan» partııasynyń saılaýaldy baǵdarlamasy azamattarymyzdyń ómir súrý sapasyn arttyrý, árbir adamnyń taza sýǵa, aýaǵa jáne sapaly ınfraqurylymǵa qol jetkizýin qoldaıdy. Jol jáne kólik ınfraqurylymyn, turǵyn úı-kommýnaldyq salany jańǵyrtýǵa, sondaı-aq qolaıly ekologııalyq jaǵdaıdy saqtaýǵa baǵyttalǵan jumyspen qamtýdyń 2020-2021 jyldarǵa arnalǵan jol kartasy, «Aýyl-El besigi» jobasy iske asyrylady. Aýdandaǵy avtomobıl joldarynyń joǵary sapalylyǵyn qamtamasyz etý de basym baǵyttardyń birine jatady. Partııanyń 2025 jylǵa arnalǵan saılaýaldy baǵdarlamasynyń sheńberinde Jańa jol aýylynda jol máselesi sheshimin tabatyn bolady. 2022 jyly aýyldyń 6,9 shaqyrym joly jóndelse, 2023 jyly S.О́mirzaquly kóshesine jóndeý jumystary qolǵa alynady. Osy sekildi jergilikti jerdegi kóptegen áleýmettik máseleniń sheshimin tapqan , – dedi Nazymhan Abıtaev.

Kandıdattar partııanyń yqpal etýimen aýdanda arnaıy áleýmettik qyzmettermen muqtajdardy qamtý úshin medısınalyq-áleýmettik mekemeler jelisin keńeıtip, múgedek balalarǵa arnalǵan 4 ońaltý jáne beıimdeý ortalyǵy ashylatynyn alǵa tartty.

Kezdesý sońynda kandıdattar qoıylǵan birneshe suraqtarǵa tushymdy jaýap berdi. Kezdesýge kelgen halyq ózderin kópten mazalaǵan jol máselesiniń partııanyń saılaýaldy baǵdarlamasy arqyly sheshiletindigine rızashylyqtaryn bildirip, «Nur Otan» partııasyna daýys beretinin jáne aǵaıyn-týysty osy partııaǵa daýys berýge shaqyratynyn jetkizdi.

«NurOtan» partııasynyń Jambyl oblystyq fılıaly

«Nur Otan» partııasy Jambyl oblystyq saılaý qorynyń qarajatynan tólendi