Beıjińdi synaǵan Qytaı mıllıarderi Djek Ma "joǵalyp" ketti

Sońǵy kezderi Beıjińdi jıi synap júrgen qytaılyq mıllıarder Djek Ma kórinbeı ketti. 

Bir kezderi kommýnıstik rejımniń súıikti adamy bolǵan mıllıarder "joǵalyp" ketken soń, onyń fotosýreti ózi uıymdastyrǵan realıtı shoýdyń ádilqazylar alqasynyń veb-paraqshasynan óshirilgen jáne keıinirek ol jarnamalyq beınerolıkten de alynyp tastalǵan. Oǵan qosa, ádette kúnine birneshe tvıt jarııalaıtyn Djek Manyń Tvıtter paraqshasynda sońǵy aptalarda belsendilik bolmaǵan.

Financial Times basylymy Djek Manyń kórinbeýin onyń qarasha aıynda memlekettik retteýshiler men bankterdi synaǵanymen baılanystarady.  

Manyń synynan keıin onyń Ant Group kompanııasynyń 37 mıllıardtyq aksııasy toqtatylǵan.

Aıta keteıik, ótken aıda Beıjiń monopolııalyq tájirıbege baılanysty Djek Manyń Alibaba kompanııasyn tekserýge alǵan bolatyn.