Tez qymbattaǵan Tesla aksııalary mıllıonerler armııasyn qalyptastyrdy

Teslanyń zymyran jyldamdyǵyndaı qymbattaǵan aksııalarynyń baǵasy 2020 jyly "Teslanaires" dep atalatyn mıllıonerler armııasyn qalyptastyrdy.

Ilon Masktyń elektromobılder shyǵaratyn fırmasynyń aksııalary 2020 jyly 700%-ǵa ósti jáne álemdegi eń qymbat avtomobıl kompanııasyna aınaldy.

2020 jyl AQSh S&P 500 quramyna kirgen avtomobıl kompanııasy úshin mańyzdy kezeń boldy. S&P 500 – Qurama Shtattardaǵy eń iri aksııalar ındeksi. Oǵan Apple, Microsoft jáne Facebook sııaqty kompanııalar kiredi. Tesla aksııalary joǵary jyldamdyqpen ósip, ındeks boıynsha eń qundy 10 kompanııanyń qataryna endi.

Tesla aksııasy qazirgi ýaqytta General Motors, Ford, Fiat Chrysler Automobiles jáne Toyota kompanııalarynyń jalpy qunynan da joǵary. 

2010 jyldyń maýsymynda Teslanyń  ár aksııasy 17 dollar baǵamen bırjaǵa shyqqan. Osy aptada baǵa 650 dollardan asyp tústi.

Qazirgi kezde Teslaǵa qatty senetin jáne Ilon Mask avtomobıl fırmasynyń jarqyn bolashaǵyna negizdelgen aksııalar baǵasynyń ósýin boljaıtyn jankúıerler armııasy bar.

Los-Andjelestegi ınjener Djeıson DeBolttyń Teslaǵa salǵan alǵashqy ınvestısııasy 2500 aksııa, al, onyń quny 19000 dollar bolǵan.

"Men alǵash ret Teslaǵa ınvestısııa salýdy 2013 jyly Model S kóligin satyp alǵannan keıin bastadym" dedi ol. Sodan beri ol kóbirek aksııalar satyp alǵan, al qazir onyń ıeliginde turǵan aksııalardyń quny shamamen 10 mln dollar.

Nıý-Iorktegi Skott Tısdeıl 2013 jyly Model S-ge alǵash kózi túskende Teslaǵa ınvestısııa sala bastady jáne shamamen 4000 aksııany ıemdenip úlgerdi, al, olardyń quny qazirgi ýaqytta shamamen 2.8 mln dollar.