31 Jeltoqsan, 2020 NEWS
Foto: vıdeodan skrın
Búgin Mańǵystaý oblysy Túpqaraǵan aýdany Fort-Shevchenko qalasyna kireberiste jel generatorynan órt shyqty, dep habarlady Lada basylymy.
Saıt málimetinshe, oqıǵa týraly aqparat oblystyq tótenshe jaǵdaılar departamentine 31 jeltoqsan kúni jergilikti ýaqyt boıynsha saǵat 08:56-da kelip túsken. Fort-Shevchenkoǵa kire beriste jel elektr stansııasynda №24 jel generatorynda órt shyqqan.
– Túpqaraǵan aýdany órt sóndirý qyzmetiniń eki tehnıkasy men segiz órt sóndirýshisi dereý oqıǵa ornyna bardy. О́rt sóndirýshiler mehanıkalandyrylǵan beket qoıdy. Aldyn ala sebep – qysqa tuıyqtalý, – dedi oblystyq tótenshe jaǵdaılar departamenti bastyǵynyń orynbasary podpolkovnık Bekbolat Ábdiqadyrov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir