29 Jeltoqsan, 2020 Áleýmet

"Bek Eır" tutynýshylarǵa 103,3 mln. teńge qaıtarady

Komıtet qabyldaǵan sharalar nátıjesinde sot tártibimen 1678 adamnyń quqyqtary qorǵaldy.

Foto: kursiv.kz

Almaty qalasy Túrksib aýdandyq soty Qazaqstan Respýblıkasy Saýda jáne ıntegrasııa mınıstirligi Tutynýshylardyń quqyqtaryn qorǵaý Komıtetiniń "Bek Eır" AQ-ǵa degen tórtinshi talap aryzyn qanaǵattandyrdy, onda 1533 adamnyń múddesi usynylǵan, talap qoıý somasy 9,3 mln. teńge.

Osylaısha, Komıtet qabyldaǵan sharalar nátıjesinde sot tártibimen 1678 adamnyń quqyqtary qorǵaldy. "Bek Eır" áýekompanııasy tutynýshylarǵa 103,3 mln. teńge qaıtarýǵa tıis.

Komıtetke kún saıyn tutynýshylardyń shaǵymdary kelip túsýine baılanysty besinshi talap sotqa beriledi.

TQQK-niń "Bek Eır" AQ-ǵa alǵashqy eki talaby zańdy kúshine engenin eske salamyz.

Zańnama talaptaryna sáıkes sot sheshimderin oryndaýǵa tek sot oryndaýshylary ǵana ýákilettik berilgenine nazar aýdaramyz.

"Atqarýshylyq is júrgizý jáne sot oryndaýshylarynyń mártebesi týraly" Qazaqstan Respýblıkasynyń Zańyna sáıkes atqarýshylyq is júrgizý, merzimdik jazalar týraly atqarýshylyq qujattardy qospaǵanda, sondaı-aq zańnamalyq aktilerde ózge de oryndaý merzimderi belgilengen jaǵdaılardy qospaǵanda, ol qozǵalǵan kúnnen bastap eki aıdan aspaıtyn merzimde aıaqtalýǵa tıis.

Sondyqtan tutynýshylar sot sheshimderin oryndaý boıynsha qajetti jáne ýaqtyly sharalar qabyldaıtyn sot oryndaýshylaryna júginýge quqyly.

Atqarý paraǵy berilgen sot oryndaýshysy týraly málimetterdi alý úshin tutynýshylar Almaty qalasynyń jeke sot oryndaýshylarynyń Palatasyna júginýi qajet.

Úshinshi talapty Almaty qalasynyń azamattyq ister jónindegi apellıasııalyq alqasy qaraıdy.

"Qamshy" silteıdi
Ilmek sózder: Bek Eır

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir