29 Jeltoqsan, 2020 Áleýmet

Balabaqsha ádiskeri pedagogty gazetke jazylýǵa májbúrlegeni úshin jazalandy

Pedagogterdiń gazetter men jýrnaldarǵa jazylýy erikti túrde júzege asyrylýy tıis ekenin esterińizge sala keteıik. Jazylýǵa májbúrleýge tyıym salynady.

Foto: matritca.kz

Aqmaral Búrlibaeva esimdi Facebook qoldanýshysy ózin mektepke deıingi mekemeniń basshysy gazetterge kúshtep jazdyryp jatqanyn aıtyp shaǵymdanǵan. Artynsha shaǵymdanýshy Túlkibas aýdany Sastóbe aýyly "Qarlyǵash" balabaqshasynyń tárbıeshisi ekeni belgili boldy. Búginde shaǵym boıynsha ákimshilik ic qozǵaldy. Bul týraly QR BǴM Bilim jáne ǵylym salasynda sapany qamtamasyz etý komıteti habarlady

– Balabaqsha ádiskerine qatysty QR ÁQBTK 409-babynyń 7-3 tarmaǵy jáne 409-babynyń 7-6 tarmaǵy boıynsha gazetterge jazylýǵa májbúrleý jáne pedagogıkalyq ádeptiń saqtalmaýy týraly eki ákimshilik is qozǵaldy. Osyǵan baılanysty QR zańnamasymen bekitilgen talaptarǵa sáıkes eskertý túrindegi ákimshilik jaýapkershilik qoldanyldy jáne 30 aılyq eseptik kórsetkish mólsherinde aıyppul salyndy. Bul aldyn ala qaraýdyń qorytyndysy, – dedi QR BǴM Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.

Komıtet tarapynan pedagogterdiń gazetter men jýrnaldarǵa jazylýy erikti túrde júzege asyrylýǵa tıis ekenin eske salyp, jazylýǵa májbúrleýge tyıym salynǵanyn atap ótti. Quqyqtary men múddeleri buzylǵan jaǵdaıda muǵalimder óńirlik bilim salasynda sapany qamtamasyz etý departamentterine júgine alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir