29 Jeltoqsan, 2020 NEWS
Kórneki sýret
Eńbek resýrstaryn damytý ortalyǵy 2021 jylǵy jumyssyzdyq deńgeıine boljam jasady, dep habarlady LS.
Ortalyq tujyrymynsha, qazirgideı epıdemıologııalyq ahýal saqtalatyn bolsa, Qazaqstandaǵy jumyssyzdyq deńgeıi burynǵysha 5 paıyz deńgeıinde qalady. Alaıda qosymsha shekteý sharalary engizilse, osy jyldyń III toqsanyndaǵy 455 myń jumyssyzdan bólek, 162 myńnan astam adam jumysynan aıyrylý qaýpi týady.
"Shekteý sharalary qaıtalansa, aýyl sharýashylyǵy, ónerkásip pen qurylys salalarynyń 90-97 paıyzynda burynǵy jumys rejımi saqtalady. Bilim, qarjy, saqtandyrý salalary men memlekettik qyzmetkerlerdiń 59-80 paıyzy qashyqtan qyzmet túrine aýysýy múmkin. Qyzmet kórsetý salasynda jumys ýaqyty qysqaryp, keıde jumystan shyǵarý sharasy qoldanylýy yqtımal. Olardyń qataryna saýda, kólik jáne qoıma qyzmeti, sondaı-aq qonaq úı, tamaqtaný qyzmetin kórsetetinder kiredi. Bul salalarda qyzmetkerlerdiń 45 paıyzdan 64 paıyzǵa deıingi bóligi aqysyz demalysqa ketýi, al 86 myń adam tipti jumystan shyǵarylýy múmkin" delingen ortalyq zertteýinde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir