Epıdemıologııalyq ahýal boıynsha Qazaqstan ortasha qaýipti aımaqqa aýysty

Búgin Ortalyq kommýnıkasııalar qyzmetinde Qazaqstan Respýblıkasy Densaýlyq saqtaý mınıstriniń birinshi orynbasary Marat Shoranovtyń brıfıngi ótti, ol respýblıkadaǵy epıdemıologııalyq jaǵdaı týraly esep berip, 2020 jylǵa aldyn ala qorytyndy jasady.

2020 jyldyń qorytyndysy boıynsha Qazaqstan Respýblıkasynda tyrysqaq, oba, ishsúzegi, paratıf, dıfterııa, sirespe, polıomıelıt, bezgek aýrýlary tirkelgen joq. Jalpy, ınfeksııaǵa shaldyqqandar sany tómendegen.

О́tken jylmen salystyrǵanda 52 ınfeksııa boıynsha aýrý deńgeıi azaıǵany baıqalady, onyń ishinde qyzylsha aýrýy 3,7 esege, salmonellez 2 esege, menıngokokk ınfeksııasy 1,8 esege, sozylmaly vırýstyq gepatıtter 42%, týberkýlez 22%, jiti vırýstyq gepatıtter 9,3% tómendedi.

«Jyl boıy pandemııaǵa qaramastan, biz tamaq ónimderiniń qaýipsizdigine baqylaý júrgizdik. Monıtorıng qorytyndysy boıynsha túrli taýardyń 28 000 úlgisi baqylaýǵa alyndy, onyń 15%  tehnıkalyq reglament talaptaryna sáıkes kelmedi (4175 úlgi)», - dedi M.Shoranov.

Qusetinde – 13,2%, etónimderinde – 12,4%, sút ónimderinde – 12%, kondıterlik ónimderde – 11,8%, balyq ónimderinde – 11,1% jáne basqa tamaq ónimderinde – 39,5% kemshilik anyqtaldy.

Anyqtalǵan faktiler boıynsha tıisti sharalar qabyldandy.

Sonymen qatar, koronavırýs ınfeksııasyna qatysty jaǵdaıy búkil álemde qolaısyz bolyp tur. Álemniń 218 elinde 81 mln KVI jaǵdaıy tirkelgen, onyń ishinde 1 mln 700 adam qaıtys boldy, bul 2,2% quraıdy.

Búginde Qazaqstan Respýblıkasynda 152 460 naýqas COVID-19 juqtyrǵan jáne 45 442 adamǵa KVI- dıagnozy qoıyldy. Saýyqqandar sany  87% deıin ósti, al maýsym-shilde aılarynda bul kórsetkish 60% aspaıtyn.

Degenmen, elimizde epıdemıologııalyq jaǵdaı turaqsyz bolyp tur. 28 jeltoqsanda respýblıkamyz qaýipi tómen – jasyl aımaqtan ortasha qaýipti – sary aımaqqa aýysty. Joǵary qaýipti aımaqta nemese qyzyl aımaqta Atyraý oblysy qaldy jáne Pavlodar, Aqmola, Qostanaı oblystary osy aımaqqa aýysty. Sary aımaqta nemese ortasha qaýipti aımaqta - 3 óńir: Soltústik Qazaqstan oblysy, Nur-Sultan, Almaty qalalary qaldy.

«Koronavırýs ınfeksııasy pandemııasy bastalǵan sátten bastap COVID-19-ǵa PTR ádisimen testileý 2020 jylǵy sáýirden bastaldy jáne 19 zerthanada táýligine jalpy qýaty 6000 test jasady, al qazir KVI dıagnostıkalaıtyn 132 zerthana táýligine jalpy qýaty 100 myń zertteý jasaıdy jáne bıologııalyq materıal alatyn 48 pýnkt bar. Búgingi tańda 5 mln astam zertteý júrgizildi, kún saıyn zerthanalar 40 myńǵa deıin test jasaıdy», – dedi M.Shoranov.

Koronavırýs ınfeksııasy pandemııasy bastalǵan sátten  COVID-19-ǵa PTR ádisimen testileý 2020 jylǵy sáýirden bastaldy jáne 19 zerthanada táýligine jalpy qýaty 6000 test jasady, al qazir KVI dıagnostıkalaıtyn 132 zerthana táýligine jalpy qýaty 100 myń zertteý jasaıdy jáne bıologııalyq materıal alatyn 48 pýnkt bar.

«Osylaısha, zerthanalardyń rezervtik qýaty 60 myń zertteýge jetti, bul halyqtyń testileýge qoljetimdiligin qamtamasyz etýge múmkindik beredi», - dedi birinshi vıse-mınıstr.

 Sońǵy 3 aıda áýe reıstermen 155 myńnan astam adam keldi, olardyń 75-inde kovıd anyqtaldy. Kólik ótkelderi arqyly 440 myń adam keldi, olardyń 666-ynda koronavırýs ınfeksııasy anyqtaldy.

Oqý jylynyń basynan 3 658 oqýshy KVI juqtyrǵan, onyń ishinde kezekshi synyptarda oqıtyn balalar arasynda - 994, qashyqtyqtan oqıtyn balalar arasynda - 2 664 jaǵdaı tirkeldi.

Elimizde koronavırýs ınfeksııasymen aýyratyn naýqastarǵa medısınalyq kómek kórsetý úshin 51 126 tósek-oryn daıyndalǵan. О́ńirlerdegi tósek-orynǵa kúndelikti monıtorıng qorytyndysyna sáıkes bıyl 28 jeltoqsanyndaǵy jaǵdaı boıynsha ınfeksııalyq tósek-orynnyń 29%  ǵana naýqas jatyr. Reanımasııalyq tósek-orynnyń - 19%  pasıent bar.

Sonymen qatar, ákimdikter óńirlerde karantındik sharalardyń saqtalýyn baqylaýda, karantındik rejımdi buzýshylar áli de bar.

17 tamyzdan bastap 60 375 reıd júrgizildi, 267 866 obekti qamtyldy, onyń ishinde 20504 obekti buzýshylyqtarmen, 19406 ákimshilik aıyppul salyndy. Buzýshylyqtyń basym bóligi Túrkistan (3603), Almaty (3235), Qostanaı (1826), ShyǵysQazaqstan (1716) oblystarynda, Almaty (1708) jáne Nur-Sultan (1471) qalalarynda anyqtaldy.

Birneshe reet ákimshilik aıyppuldarǵa qaramastan, keıbir obektiler shekteý jáne karantın rejıminiń talaptaryn elemeı otyr.

Búgingi tańda "qasaqana buzýshylar" qatarynda 254 nysan bar, onyń ishinde Nur-Sultanda shekteý jáne karantın rejımin júıeli túrde buzatyn 56 nysan, Shymkentte - 47, Qostanaı oblysynda - 25 nysan.

Mundaı obektiler boıynsha sanıtarııalyq-epıdemıologııalyq qyzmet organdary ákimshilik materıaldardy qyzmetti toqtata turý týraly máseleni sheshý úshin sotqa beredi.

Sóz sońynda Marat Shoranov el turǵyndaryna úndeý joldap, olardy karantındik jáne shekteý sharalaryn saqtaýǵa shaqyrdy.

«Jańa jyl – otbasylyq mereke. Bul kúni týystaryńyzdy, dostaryńyz ben tanystaryńyzdy úıge shaqyrmańyzdar, birge turatyn jaqyn adamdar men qarsy alýǵa shaqyramyn. Aldaǵy mereke epıdemıologııalyq jaǵdaıdyń nasharlaýyna jáne koronavırýs ınfeksııasynyń órshýine áser etýi múmkin ekenin umytpańyzdar. Sondyqtan epıdjaǵdaı árqaısymyzdyń áreketimizge tikeleı baılanysty», - dediM.Shoranov.