Biryńǵaı jınaqtaýshy zeınetaqy qory jyl basynan beri qor salymshylarynyń zeınetaqy jınaqtary 18%-ǵa artqanyn málimdedi.

Qordyń baspasóz qyzmetiniń aqparatynsha, 2020 jylǵy 1 jeltoqsandaǵy jaǵdaı boıynsha BJZQ salymshylarynyń shottarynda 12,7 trıllıon teńge somaǵa zeınetaqy jınaqtary salynǵan. 2020 jyldyń basynan bastap, ıaǵnı 18%-ǵa ulǵaıǵan.

Zeınetaqy jınaqtarynyń negizgi somasy:

  • mindetti zeınetaqy jarnalary (MZJ) - 12,4 trln teńge (2020 jyldyń basynan beri ósim 18% qurady);
  • mindetti kásiptik zeınetaqy jarnalary (MKZJ) – 309,6 mlrd teńge (ósim 26% qurady);
  • erikti zeınetaqy jarnalary – EZJ - 2,2 mlrd teńge (ósim 11%).

2020 jyldyń 1 qańtarynan bastap 1 jeltoqsanǵa deıingi kezeń ishinde BJZQ salymshylarynyń shottaryna 1,13 trln teńge taza ınvestısııalyq tabys esepteldi. Bul 2019 jyldyń sáıkes kezeńimen salystyrǵanda 531 mlrd teńgege (ósim 88%) artyq.

2020 jylǵy 1 jeltoqsandaǵy jaǵdaı boıynsha jeke zeınetaqy shottarynyń sany 11,6 mln birlikti qurady (jyl basynan beri ósim 10% qurady).

Onyń ishinde:

  • mindetti zeınetaqy jarnalary (MZJ) boıynsha – 10 984 130 (ósim 11%);
  • mindetti kásiptik zeınetaqy jarnalary (MKZJ) boıynsha – 526 111 (ósim 3%);
  • erikti zeınetaqy jarnalary (EZJ) boıynsha – 57 211 (ósim 5%).
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir