Bilim jáne ǵylym mınıstri Ashat Aımaǵambetov aldaǵy ýaqytta jastarmen eń ózekti máselelerdi talqylap, olardy sheshýdiń naqty strategııasyn jasaıtynyn aıtty. Bul týraly ol óziniń áleýmettik jelidegi paraqshasynda jazdy.

– Bir aı buryn stýdenttermen kezdesý kezinde mınıstrlik janynan Stýdenttik keńes qurylatynyn aıtqan bolatynmyn. Onyń quramyda árbir iri JOO-nyń stýdentteri arasynan bir kóshbasshy jáne respýblıkalyq jastar uıymynan bir kóshbasshy bolady. JOO atynan qabyldanǵan kóshbasshylar stýdenttik ózin-ózi basqarý organdarynyń tóraǵalary bolýy kerek.

Stýdentter máseleleri jónindegi Keńestiń otyrystarynda biz jastardyń bastamalaryn damytýǵa jáne stýdentterdi qoldaýǵa qatysty suraqtardy, BǴM quzyretine kiretin barlyq máselelerdi birge talqylaıtyn bolamyz, – deıdi mınıstr.

Onyń aıtýynsha, kóshbasshylar mańyzdy máselelerdi kóterip, bizge óz ıdeıalaryn tikeleı baǵyttaýǵa múmkindik alady.

– Respýblıkalyq Keńestiń ár jınalysyna ózim qatysamyn jáne biz suraqtardy talqylap, birge sheshim qabyldaıtyn bolamyz. Belgilengen alǵashqy otyrysta biz jastarmen tanysyp, bolashaqqa josparlardy talqylap, júıeli túrde ózara jumys júrgizýge kelistik. Stýdentter máseleleri jónindegi Keńestiń kelesi otyrysyn Jańa jyldyń qańtar aıynda ótkizýdi josparlap otyrmyz. Biz jastarmen eń ózekti máselelerdi talqylap, olardy sheshýdiń naqty strategııasyn jasaımyz. Mundaı kezdesýler ár toqsan saıyn ótkiziletin bolady, – dep atap ótti Aımaǵambetov.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir