Shekteý sharalaryn buzǵandarǵa mılllıon teńge aıyppul salyndy

Qazirgi tańda mobıldi monıtorıngtik toptardan jáne jergilikti polısııa qyzmetinen túsken materıaldarǵa sáıkes, QR "Ákimshilik quqyq buzýshylyq týraly" Kodeksiniń 425-baby 1-bóligi boıynsha anyqtalǵan buzýshylyqtar úshin 169 592 630  teńge kóleminde 1251  aıyppul salyndy, dep habarlady sanıtarlyq epıdımıologııalyq baqylaý komıteti.

Búgingi kúni Koordınasııalyq ortalyqtardan túsken shuǵyl habarlama negizinde jospardan tys 19 tekserý júrgizildi. Tekseris qorytyndysy boıynsha 18 obektige 5 028 180 teńge kóleminde aıyppul salyndy, 18 uıǵarym berildi, obektiniń jumysyn toqtatý boıynsha 13 materıal ákimshilik sotqa jiberildi.

Atap aıtý kerek, shekteý karantın sharalaryn birneshe ret buzǵan 13 nysan boıynsha materıaldar (qoǵamdyq tamaqtaný obektileri saltanatty, otbasylyq, ujymdyq is-sharalar ótkizdi, karaoke, kompıýterlik klýbtar jumys istedi) qyzmetin toqtatý úshin ákimshilik sotqa berildi. Ol obektiler mynalar: «Dıana», «Andr», «Saltanat saraıy», «Dýlat», «1001 tún», «Ǵarysh», «Nur», «Han Orda» meıramhanalary, «Dýsha» karaoke klýby,  «Virtual club» , «Sun STRIKE» oıyn klýby (kompıýterlik)  jáne t.b.

Sonymen qatar, jergilikti atqarýshy organdar janynan uıymdastyrylǵan mobıldi toptar tarapynan kásipkerlik obektilerinde shekteý karantındik sharalaryn saqtaý boıynsha monıtorıng kúsheıtiletini eske salyndy.