Alıev qazaqstandyq kompanııalardy Qarabaqqa shaqyrdy

Qasym-Jomart Toqaev Ázerbaıjan prezıdenti Ilham Alıevpen telefon arqyly sóılesip, ony týǵan kúnimen quttyqtady. Bul týraly akorda.kz saıty habarlady. 

Qasym-Jomart Toqaev Ilham Álıevtiń dostas Ázerbaıjannyń áleýmettik-ekonomıkalyq damýyna, BUU jarǵysy men BUU qaýipsizdik keńesiniń sheshimine sáıkes memlekettiń terrıtorııalyq tutastyǵyn qorǵaýǵa qosqan eleýli úlesin atap ótti.

Memleket basshylary ekijaqty yntymaqtastyqty odan ári damytýǵa qatysty birlesken mindetter, sondaı-aq, halyqaralyq arenadaǵy yqpaldastyq jaıyn talqylady.

Ilham Alıev qazaqstandyq kompanııalardy Taýly Qarabaqty qaıta qalpyna keltirý jumystaryna atsalysýǵa shaqyrdy.