• USD 424.85

  • EUR 504.21

  • RUB 5.84

  • CNY 65.86

21 Qańtar, 16:28:48
Almaty

Bilim jáne ǵylym mınıstri Ashat Aımaǵambetov muǵalimderdi kóptegen eseptilikten aryltý úshin zańdy negizder paıda bolǵanyn málimdedi. Bul týraly ol ortalyq kommýnıkasııalar qyzmetinde ótken onlaın brıfıngte aıtty.

– Orta, tehnıkalyq jáne kásiptik bilim berý uıymdarynyń pedagogteri toltyrýǵa mindetti qujattardyń naqty tizbesi belgilendi. Artyq eseptilikti talap etkeni úshin laýazymdy tulǵalar aıyppul túrinde ákimshilik jaýapkershilikke tartylady. Mektep basshysy men onyń orynbasarlary toltyratyn naqty qajetti qujattar tizimi de belgilengen, qajeti joq qujattar alynyp tastaldy, – deıdi ol.

Sonymen qatar mınıstr jańa oqý jylynan bastap joǵary oqý oryndarynda qatań eseptegi qujattardyń 11 formasy alynyp tastalatynyn habarlady.

Onyń aıtýynsha bul oqytýshylarǵa sabaqqa daıyndalýǵa jáne kásibı damýǵa kóbirek ýaqyt bólýine múmkindik beredi.

Oqı otyryńyz: Aımaǵambetov kimderdiń jalaqysy ósetinin aıtty

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir