Aımaǵambetov kimderdiń jalaqysy ósetinin aıtty

Prezıdent tapsyrmasy sheńberinde 2021 jyldyń 1 qańtarynan bastap pedagogterdiń jalaqysy 25%-ǵa ósedi. Bul týraly bilim jáne ǵylym mınıstri Ashat Aımaǵambetov aıtty.

– 2020 jylǵy 1 qyrkúıekten bastap memlekettik joǵary oqý oryndary oqytýshylarynyń jalaqysy taǵy 20%-ǵa, ulttyq JOO oqytýshylarynyń jalaqysy 28%-ǵa ulǵaıdy. Jumysshy mamandyqtary boıynsha oqıtyn kolledj stýdentteriniń stıpendııasy 30%-ǵa, orta býyn mamandyqtary boıynsha 25%-ǵa ósti, – deıdi ol.

Sondaı-aq mınıstr bakalavrıat stýdentteriniń shákirtaqysy men magıstratýra boıynsha stıpendııa 25% ósetinin málimdedi.

– Pedagogıkalyq mamandyqtar boıynsha oqıtyn stýdentterdiń shákirtaqysy bir jyldyń ishinde 21 myńnan 42 000 teńgege deıin ulǵaıdy. Doktoranttardyń shákirtaqysy bir jyldyń ishinde 82 myń teńgeden 150 000 teńgege deıin ulǵaıtyldy, – dep atap ótti Aımaǵambetov.