Qatygez ana qyzyn jazalaımyn dep aıazda dalada ustaǵan

Nur-Sultan qalasynda qatygez ana balalaryn aıtqanyn istete almaǵany úshin aıaýsyz jazalaǵan. Sabap, dálizge qondyryp, úı kıimmen qalada otyrǵyzyp qoıǵan. Bul týraly kórshisimin degen áıel óziniń Instagram paraqshasynda málim etti.

"18-19 jeltoqsanda qyz (sýrettegi - red) dálizde qondy. Bul – aıtqanyn istete almaǵany nemese sypyrtqy joǵalǵany úshin anasy qyzyn jazalaǵan túri. Men qyzdy úıime shaqyryp, ol menikinde qondy. Anasyna eger bulaı jalǵasa berse, qamqorlyq organdaryn shaqyratynymdy aıttym. Búgin, 23 jeltoqsanda balalary zatty ruqsatsyz alǵanyna bola anasy 5-6 jastaǵy ulynyń basyn qabyrǵaǵa uryp, tepkenin sózben aıtyp jetkize almaımyn. 7-8 jastaǵy qyzǵa odan asqan soraqylyqty kórsetken. Ol dalada otyrdy. Men qol qýsyryp otyra almaı, olardy úıime shaqyrdym. Úlkenderdiń bulaı jasaýy sumdyq qoı. Men kórgen sumdyqtan álige deıin ózime kele alar emespin. Aıtarǵa sózim joq. Polısııa shaqyrǵanymda ony (qatygez anany - red) ázirge esepke almaıtynyn aıtty. Oǵan jaı ǵana eskertý jasady. Kerek adamdardy belgileýlerińizdi suraımyn. Bul jaıt Nur-Sultan qalasy Respýblıka dańǵylynda boldy" delingen zábir kórgen balalar kórshisiniń jazbasynda.

♦ Qyzyn úıden qýyp shyqqan áıeldiń áreketine baılanysty polısııa málimdeme jasady

 

 

 

Posmotret etý pýblıkasııý v Instagram

 

 

 

Pýblıkasııa ot @_zakeeva.a__