• USD 472.68

  • EUR 466.91

  • RUB 8.01

  • CNY 66.45

05 Qazan, 18:46:00
Almaty
+14°

Túrkistan oblysynda belgisiz adamdar kólikten túsip, telefonmen sóılesip turǵan er adamǵa oq jaýdyra bastaǵan. Bolǵan oqıǵa beınebaqylaýǵa túsip qalyp, vıdeosy jelide tarady. 

Jeli qoldanýshylary "90-shy jyldardaǵy qaqtyǵys sııaqty" dep ataý bergen vıdeodan telefonmen sóılesip turǵan er adamnyń janyna sur kólik kelip toqtap, ishinen belgisiz adamdar júgirip túsip, oq jaýdyra bastaǵanyn kórýge bolady.

Atalǵan oqıǵa 17 jeltoqsanda Túrkistan oblysynda bolǵany anyqtaldy.

"17 jeltoqsan kúni saǵat 22:15-te Saryaǵash APB-ne aýdandyq aýrýhanadan túrli dene jaraqattary bar er adamnyń jetkizilgeni týraly habarlama kelip tústi. Dárigerler zardap shekken adamǵa medısınalyq kómek kórsetti. Atalǵan derek Saryaǵash APB-niń SDTBT-ne 293-baptyń 3-bóligi "buzaqylyq" boıynsha tirkeldi.

Aqparat alǵannan keıin oqıǵa ornyna jedel-tergeý toby shyqty. Aldyn ala málimetter boıynsha, jol boıyndaǵy kafelerdiń birinde kelýshiler arasynda ereges bolyp, arty tóbeleske ulasqan. Nátıjesinde buryn birneshe ret sottalǵan, sonyń ishinde qaraqshylyq úshin sottalǵan jábirlenýshi aýrýhanaǵa kómek surap júgingen, al kúdiktiler avtokólikpen qashyp ketken.

Sol kúni polısııa kúdiktilerdiń jeke basyn anyqtady. Túrkistan oblysynyń polısııa departamentinde olardy ustaýǵa baǵyttalǵan tájirıbeli qyzmetkerler qatarynan jedel top quryldy" delingen Túrkistan oblysy PD baspasóz qyzmetiniń habarlamasynda.

 

"Qamshy" silteıdi
Ilmek sózder: atys túrkistan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir