Nur Otan Atyraýda: Barlyq kolledjder men joǵary oqý oryndarynda ınklıýzıvti bilim berýdi engizemiz

«Nur Otan» óńirlerde halyqpen kezdesýlerdi jalǵastyrýda. Búgin Respýblıkalyq saılaýaldy shtab músheleri Atyraý oblysyna bardy.

Atyraý munaı óńdeý zaýytynyń jumysshylarymen kezdesý barysynda ekologııa, jumyspen qamtý, áleýmettik ınfraqurylymdy jańartý jáne t.b. máseleler talqylandy.

Partııa aldaǵy 5 jylda óńirde keminde 100 myń jumys ornyn ashýǵa, 10 jańa densaýlyq saqtaý nysanyn, 11 mektep pen 56 balabaqsha salýǵa ýáde beredi. Sondaı-aq, áleýmettik muqtaj azamattarǵa 7 myń páter berilmek, ol úshin shamamen 3,5 mln. sharshy metr turǵyn úı salý josparlanýda.

О́ńir turǵyndary úshin taǵy bir mańyzdy másele – ekologııa. Bul rette «Nur Otan» lastaýshy shyǵaryndylar kólemin 12%-ke tómendetý úshin birqatar iri ónerkásiptik kásiporyndardy jańǵyrtý mindetin qoıyp otyr.

Budan soń saılaýaldy shtab músheleri qoǵamdyq uıym ókilderimen, paralımpıadalyqtarmen jáne basqa da erekshe qajettiligi bar belsendi azamattarmen kezdesti.

«О́zderińiz biletindeı, Elbasy partııa Tóraǵasy Nursultan Nazarbaevtyń tapsyrmasymen «Nur Otan» partııasy 2014 jyldan beri «Kedergisiz keleshek» jobasyn júzege asyryp keledi. Osy jobanyń arqasynda erekshe qajettiligi bar 40 myń azamat jumysqa ornalasyp, 24 myńnan astam nysan qaıta beıimdeldi, sondaı-aq jalpy bilim beretin mektepterde ınklıýzııany qoldaýdyń 43 bólmesi ashyldy. Taıaýdaǵy 5 jylda erekshe qajettiligi bar adamdar úshin taǵy 22 myń áleýmettik ınfraqurylym nysanyn beıimdeý jumystary jalǵasyn tabady», - dep atap ótti Respýblıkalyq saılaýaldy shtab jetekshisi Baýyrjan Baıbek.

Sondaı-aq, onyń aıtýynsha, erekshe qajettiligi bar adamdardy jumysqa ornalastyrý, qoǵamda yntymaqtastyq ahýal qalyptastyrý boıynsha jumystar jalǵasady. Jumysqa ornalastyrý, psıhologııalyq jáne quqyqtyq kómek kórsetý máseleleri jónindegi ortalyqtar ashý josparlanýda. Jumysqa ornalastyrý kvotasyn oryndamaıtyn jumys berýshiler úshin ótemaqy tólemderi engiziledi, ol erekshe qajettiligi bar adamdar úshin jumys oryndaryn qurýǵa baǵyttalady.

Turaqty kútimdi qajet etetin jáne jeke kómekshiniń qyzmetin paıdalanbaıtyn barlyq birinshi toptaǵy múgedek azamattarǵa qosymsha áleýmettik járdemaqy usynylady. Bul rette 2025 jylǵa qaraı múgedektigi bar muqtaj azamattar 100% tehnıkalyq quraldarmen jáne ońaltý qyzmetimen qamtamasyz etiledi.

«Barsha balaǵa – teń múmkindik» qaǵıdatyn iske asyra otyryp, bizdiń partııa barlyq kolledj ben joǵary oqý oryndarynda, sondaı-aq 70% mektepter men mektepke deıingi uıymdarda ınklıýzıvtik bilim berýdiń engizilýin qamtamasyz etedi. Ońaltý ortalyqtarynyń sany artyp, erekshe qajettiligi bar balalardy psıhologııalyq-pedagogıkalyq jáne korreksııalyq qoldaý boıynsha memlekettik tapsyrys engiziledi. Asyraýshysynan aırylǵan balalar bir mezgilde múgedektigi jáne asyraýshysynan aırylýy boıynsha 2 járdemaqy alady», - dedi ol.

Bıleýshi partııanyń josparynda zaǵıp jáne kórý qabileti nashar jandar úshin kitaphana qoryn keńeıtý, onyń ishinde memlekettik tildegi ádebıetterdi kóbeıtý, ymdaý tilin onlaın-aýdarý boıynsha arnaıy baǵdarlamalarǵa qoljetimdilikti qamtamasyz etý de bar.

Osy kúni nurotandyqtar taǵy da birqatar kezdesýler ótkizdi, onyń ishinde «Atyrau-Avtopark» avtobýs parkiniń júrgizýshilerimen júzdesti. О́zekti taqyryptar boıynsha emin-erkin suhbat quryp, «Nur Otan»-nyń óńir men qalada ómir sapasyn jaqsartý jónindegi bastamalary týraly áńgime órbidi.

«Nur Otan» partııasynyń saılaý qory qarajaty esebinen tólendi